Junagadh મધુરમ કર્મચારી સોસાયટીમાં જુગાર રમતી 11 મહિલાઓ ઝડપાઈ

Junagadh તા.2
જુનાગઢમાં મહિલા સંચાલિત જુગારધામ ઝડપાયું 11 મહિલાઓને 12500 સાથે પોલીસે પકડી ગુનો નોંધેલ છે. જુનાગઢ વંથલી રોડ પરના મધુરમ કર્મચારી સોસાયટીમાં રહેતી પ્રવિણાબેન મેહુલભાઈ દાનાભાઈ બાબરીયાએ પોતાના ઘરે બહારથી મહિલાઓને બોલાવી જુગારધામ ચલાવતી હોવાની બાતમીના આધારે સી ડીવીઝન પોલીસે રેડ કરતા મકાન માલીક પ્રવિણાબેન મેહુલભાઈ બાબરીયા, જયાબેન રમેશભાઈ યાદવ, દીપ્તીબેન દીવ્યાંગ મૈયડ, શીતલબેન દિનેશભાઈ ડાંગર, ટીનાબેન વિપુલ હુંબલ, જયાબેન છગન ગીરનારા, સેજલબેન કિરણ બાબરીયા, પ્રિતીબેન પંકજ નકુમ, સંતોકબેન દેવસી ઓડેદરા, વૈશાલીબેન પ્રકાશ કાથડ અને નિશાબેન દિપકભાઈ કોડીયાને રોકડ રૂા.11700 નાલના રૂા.800 સહિત કુલ રૂા.12,500ના મુદામાલ સાથે દબોચી લીધા હતા.