Rajkot,તા.૨૬
રાજકોટ શહેરમાં આવેલા રૈયા ટેલિફોન એક્સચેન્જ નજીક એક માર્ગ અકસ્માતની ઘટના સામે આવી છે. અહીં મ્ઇ્જી રોડ પરથી રસ્તો ઓળંગી રહેલા એક અજાણ્યા યુવકને પસાર થઈ રહેલી સિટી બસે જોરદાર અડફેટે લીધો હતો. આ અકસ્માતમાં યુવકને શરીરના ભાગે ઈજાઓ પહોંચી હતી. મ્ઇ્જી ટ્રેક પર રસ્તો ઓળંગતી વખતે અચાનક આવેલી સિટી બસની ટક્કર વાગતાં જ યુવક રોડ પર પટકાયો હતો.
અકસ્માતની આ ઘટના બનતા જ ધડાકાભેર અવાજ સાથે આસપાસના સ્થાનિકો અને રાહદારીઓ તુરંત જ ઘટનાસ્થળે દોડી આવ્યા હતા. જોતજોતામાં રૈયા ટેલિફોન એક્સચેન્જ પાસે લોકોના મોટા ટોળાં એકત્ર થઈ ગયા હતા. સિટી બસની ટક્કરથી ઘવાયેલા યુવકની મદદ માટે સ્થાનિક લોકો આગળ આવ્યા હતા અને વાહનવ્યવહારને પણ થોડીવાર માટે નિયંત્રિત કર્યો હતો.
બનાવ અંગે સ્થાનિકો દ્વારા ત્વરિત ઈમરજન્સી સર્વિસને જાણ કરવામાં આવી હતી. અકસ્માતમાં ઈજાગ્રસ્ત થયેલા યુવકને વધુ રાહત અને તબીબી સારવાર મળી રહે તે હેતુથી તાત્કાલિક અસરથી નજીકની હોસ્પિટલમાં ખસેડવામાં આવ્યો હતો. ઘટના અંગે સ્થાનિક પોલીસને પણ જાણ કરવામાં આવતા પોલીસે અકસ્માત સંદર્ભે આગળની કાયદેસરની તપાસ હાથ ધરી છે.
