New Delhi,તા.૬
બીસીસીઆઇએ ટીમ ઈન્ડિયાના જર્સી સ્પોન્સરના દરમાં મોટો ફેરફાર કર્યો છે. હવે કોઈપણ કંપનીને ટીમ ઈન્ડિયાની જર્સી પર લોગો લગાવવા માટે પહેલા કરતાં વધુ ચૂકવણી કરવી પડશે. નવા દરો અનુસાર, દ્વિપક્ષીય શ્રેણી માટે પ્રતિ મેચ ૩.૫ કરોડ રૂપિયા અને બહુરાષ્ટ્રીય ટુર્નામેન્ટ માટે પ્રતિ મેચ ૧.૫ કરોડ રૂપિયા નક્કી કરવામાં આવ્યા છે. આ નિર્ણય એવા સમયે લેવામાં આવ્યો છે જ્યારે ભારતીય ટીમ ડ્રીમ ૧૧ ના વર્તમાન સ્પોન્સર કરારમાંથી બહાર નીકળી ગયા છે. સરકાર દ્વારા લાગુ કરાયેલા ઓનલાઈન ગેમિંગ પ્રમોશન એન્ડ રેગ્યુલેશન એક્ટ ૨૦૨૫ પછી ડ્રીમ ૧૧ એ જર્સી સ્પોન્સર ગુમાવ્યું છે.
ક્રિકબઝના અહેવાલ મુજબ, અગાઉ દ્વિપક્ષીય મેચો માટે ૩.૧૭ કરોડ રૂપિયા અને બહુરાષ્ટ્રીય ટુર્નામેન્ટ માટે ૧.૧૨ કરોડ રૂપિયા નક્કી કરવામાં આવ્યા હતા. એટલે કે, નવા દરો અગાઉના દરો કરતા થોડા વધારે છે. આ ફેરફારથી મ્ઝ્રઝ્રૈં ને ૪૦૦ કરોડ રૂપિયાથી વધુ કમાણી થવાની ધારણા છે, જ્યારે અંતિમ આંકડો બોલી પ્રક્રિયા પર નિર્ભર રહેશે.
આગામી એશિયા કપ પછી નવા દરો અમલમાં આવશે. જોકે, ભારતીય ટીમ આ એશિયા કપમાં કોઈપણ જર્સી સ્પોન્સર વિના રમશે, કારણ કે બીસીસીઆઇએ નવી બોલી સબમિટ કરવાની છેલ્લી તારીખ ૧૬ સપ્ટેમ્બર નક્કી કરી છે.બીસીસીઆઇએ સ્પષ્ટ કર્યું છે કે કોઈપણ બોલી લગાવનાર કંપની અથવા તેની સંલગ્ન સંસ્થા કોઈપણ રીતે ઓનલાઈન મની ગેમિંગ, સટ્ટાબાજી અથવા જુગાર સાથે સંકળાયેલી ન હોવી જોઈએ. આવા વ્યવસાયમાં રોકાણ કે માલિકી હોવી જોઈએ નહીં. ઓનલાઈન ગેમિંગ એક્ટ ૨૦૨૫ અમલમાં આવ્યા પછી ડ્રીમ-૧૧ એ તેની વાસ્તવિક પૈસાની રમતો બંધ કરી દીધી. આ કારણોસર, કંપનીએ ભારતીય ક્રિકેટ ટીમની જર્સી સ્પોન્સરશિપમાંથી પણ પીછેહઠ કરી. હવે બીસીસીઆઇ નવા સ્પોન્સરની શોધમાં છે, અને તે જોવામાં આવશે કે કઈ કંપની આ મોંઘા દરે ટીમ ઈન્ડિયાની જર્સી સ્પોન્સર બને છે.
નોંધનીય છે કે ભારતીય ક્રિકેટ ટીમ ૯ સપ્ટેમ્બરથી રમાનારી એશિયા કપમાં જોવા મળશે. ભારતીય ટીમ ૧૦ સપ્ટેમ્બરે યુએઈ સામે પોતાનું અભિયાન શરૂ કરશે. આ પછી, ભારત અને પાકિસ્તાન ૧૪ સપ્ટેમ્બરે એકબીજા સામે ટકરાશે. લીગ સ્ટેજની તેમની ત્રીજી અને છેલ્લી મેચમાં, ભારત ૧૯ સપ્ટેમ્બરે ઓમાન સામે ટકરાશે.
