ચોરીની સમગ્ર ઘટના સીસીટીવીમાં કેદ થતાં પોલીસે ફૂટેજના આધારે આરોપીઓને પકડવાના પ્રયાસો શરૂ કર્યા
Ahmedabad, તા.૨૮
અમદાવાદના જજીસ બંગલો રોડ પર આવેલા કદમ કોમ્પ્લેક્સના ગ્રાઉન્ડ ફ્લોર પરના ચોઇસ પાન પાર્લરમાં ચાર શખ્સોએ ચોરીની ઘટનાને અંજામ આપ્યો હતો. તસ્કરોએ મોડી રાતના સમયે દુકાનના શટરને વચ્ચેથી ઊંચું કરી અંદર પ્રવેશ કર્યો હતો અને ગલ્લામાંથી રોકડ રકમ તેમજ મોંઘી કિંમતની સિગારેટના પેકેટ સહિત કુલ રૂ.૭૪,૪૦૦ની મતા ચોરી કરી ફરાર થઈ ગયા હતા. સમગ્ર ઘટના દુકાનમાં લાગેલા ઝ્રઝ્ર્ફ કેમેરામાં કેદ થઈ છે.બોપલમાં રહેતા અનિલ સમરસિંહ રાજપૂતે વસ્ત્રાપુર પોલીસ સ્ટેશનમાં નોંધાવેલી ફરિયાદ મુજબ, ૨૬ ઓગસ્ટે સવારે સાત વાગ્યે પાન પાર્લરમાં કામ કરતા રાહુલ અને ઉત્સવ દુકાને પહોંચ્યા હતા. તે સમયે દુકાનના શટરના બંને તાળા મારેલા હતા, પરંતુ શટર વચ્ચેથી વળેલું જોવા મળ્યું હતું. દુકાનમાં તપાસ કરતા ગલ્લામાંથી રોકડ સહિત અન્ય સામાન ગાયબ હોવાનું જણાયું હતું. આ અંગે ઝ્રઝ્ર્ફ ફૂટેજ તપાસતા ચાર શખ્સો રાતના સમયે દુકાનનું શટર વચ્ચેથી ઊંચું કરી પ્રવેશ કર્યો હતો અને કેશ કાઉન્ટરમાં રાખેલા રૂ.૪૮ હજાર રોકડા તેમજ રૂ.૨૬,૪૦૦ની કિંમતના સિગારેટના પેકેટ ચોરી લીધા હતા. ચોરીની સમગ્ર ઘટના ઝ્રઝ્ર્ફમાં કેદ થતાં પોલીસે ફૂટેજના આધારે આરોપીઓને પકડવાના પ્રયાસો શરૂ કર્યા છે.
