USA,તા.31
નેપાળમાં આવેલા પુરની ચિંતા ઓછી થઈ નથી ત્યાં જ અમેરીકાના એરીઝોના સ્થિત ગેન્ડ કેન્યન ક્ષેત્રમાં અચાનક જ વરસાદ બાદ પુર સર્જાતા 20 જેટલા લોકો લાપતા થયા છે. જોકે બચાવ ટીમે અન્ય 60ને ઉગારી લીધા હતા.
અહીં વરસાદ થવાથી અચાનક જ પૂરની પરિસ્થિતિ સર્જાઈ હતી અને કોલોરાડો નદીમાં તેજ પ્રવાહની સાથે માટી ભેખડોનો મોટો જથ્થો સર્જાયો હતો જેના કારણે એક બંક હાઉસ તથા એક ફૂટ બ્રીજ પૂરી રીતે નસ્ટ થયા હતા.
20 જેટલા લોકો જે પગપાળા પસાર થતા હતા તેઓ પાણીના ભારે પ્રવાહમાં તણાઈ ગયા છે જયારે ફેન્ટમ રેન્જ અને બ્રાઈટ એન્જલ કેપ ગ્રાઉન્ડમાંથી 60 લોકોને બચાવાયા છે.
અહીં ફકત 30 મીનીટમાં ફકત એક ઈંચ જેટલો વરસાદ પડયો પણ તેના કારણે પાણી પહાડી અને ઢોળાવમાંથી જે નીચે આવતું હતું તેની સાથે મોટા ખડકો અને માટીઓ લઈને આવ્યું અને તેના કારણે નદીનો પ્રવાહ ઓચીંતો વધી ગયો હતો.
