Washington,તા.08
અમેરિકાએ ચેતવણી આપી છે કે ભારતીયો માટે રોજગાર આધારિત પહેલી કેટેગરી (ઈબી-1) ગ્રીન કાર્ડની ઉપલબ્ધતા આવનારાં કેટલાક અઠવાડિયામાં અસ્થાયી રૂપે સમાપ્ત થઈ શકે છે.
આનું કારણ આ કેટેગરીમાં ખૂબ જ વધારે અરજીઓ અને વધતી માંગ બતાવવામાં આવી છે. આ કારણસર પહેલેથી જ લાંબી રાહનો સામનો કરી રહેલા ભારતીય અરજદારોની મુશ્કેલીઓ વધુ વધી શકે છે.
અમેરિકી વિદેશ વિભાગે સપ્ટેમ્બર માટે વીઝા બુલેટિન જારી કર્યું છે. તેમાં કહેવામાં આવ્યું છે કે ભારતથી જોડાયેલી ઈબી-1 અરજીઓની સંખ્યા એટલી વધારે છે કે નાણાકીય વર્ષ 30 સપ્ટેમ્બરના રોજ પૂરું થાય તે પહેલાં આ શ્રેણી માટે નિર્ધારિત વીઝા સંખ્યા પૂરી રીતે વપરાઈ શકે છે.
વિદેશ વિભાગે કહ્યું કે, ઈબી-1 શ્રેણીમાં ભારત માટે ઉપલબ્ધ વીઝા સંખ્યા નાણાકીય વર્ષ સમાપ્ત થાય તે પહેલાં પૂરી થઈ શકે છે. જો આવું થાય છે તો આવનારા અઠવાડિયામાં આ શ્રેણીને અસ્થાયી રૂપે અનુપલબ્ધ ઘોષિત કરવી પડી શકે છે. સાથે જ વિભાગે કહ્યું કે પરિસિ્થતિ પર સતત નજર રાખવામાં આવી રહી છે અને જરૂર પડવા પર યોગ્ય ફેરફારો કરવામાં આવશે.
શું છે ઈબી-1 ગ્રીન કાર્ડ
ઈબી-1 રોજગાર આધારિત પ્રથમ પ્રાથમિકતા વાળી કેટેગરી છે, જેમાં અસાધારણ ક્ષમતા ધરાવતાં લોકો, શ્રેષ્ઠ પ્રોફેસર અને રિસર્ચર તથા કેટલાક મલ્ટીનેશનલ એક્ઝિક્યુટિવ અને મેનેજર જેવા પ્રાથમિકતા વાળા કર્મચારીઓ સામેલ છે.
ગ્રીન કાર્ડ ઇચ્છતા ભારતીય પરિવારોને રાહત
પરિવાર આધારિત શ્રેણીઓ હેઠળ અમેરિકામાં કાયમી નિવાસ (ગ્રીન કાર્ડ) મેળવવાનો પ્રયાસ કરી રહેલાં ભારતીયોને સપ્ટેમ્બરમાં રાહત મળી છે. આ મહિને વીઝા કટઓફ તારીખોમાં વધારો થયો છે. જોકે, ઈબી-1 વીઝાની રાહ જોઈ રહેલા પ્રોફેસનલો માટે સ્થિતિમાં બહુ ફેરફાર થયો નથી.
