Dubai,તા.૨૭
ભારતીય ટીમના સ્ટાર સ્પિનર કુલદીપ યાદવે એશિયા કપ ૨૦૨૫માં પોતાની પ્રભાવશાળી બોલિંગ ચાલુ રાખી, વધુ એક ઐતિહાસિક સિદ્ધિ હાંસલ કરી. ૨૬ સપ્ટેમ્બરના રોજ દુબઈમાં રમાયેલી શ્રીલંકા સામેની સુપર-૪ મેચમાં કુલદીપે ૪ ઓવરમાં ૩૧ રન આપીને ૧ વિકેટ લીધી. આ એક જ વિકેટે તેને એશિયા કપ ટી ૨૦ ટુર્નામેન્ટના એક જ આવૃત્તિમાં સૌથી વધુ વિકેટ લેનાર બોલર બનાવ્યો.
કાનપુરના આ ચાઇનામેન બોલરે ૨૦૨૫ એશિયા કપમાં ભારત માટે છ મેચ રમી છે અને કુલ ૧૩ વિકેટ લીધી છે. અગાઉ, આ રેકોર્ડ ેંછઈ ના બોલર અમજદ જાવેદના નામે હતો, જેમણે ૨૦૧૬ એશિયા કપમાં સાત મેચમાં ૧૨ વિકેટ લીધી હતી. કુલદીપે શ્રીલંકા સામેની મેચમાં કેપ્ટન ચરિથ અસલંકાને આઉટ કરીને આ સિદ્ધિ મેળવી હતી. શુભમન ગિલે ઇનિંગ્સની ૧૬મી ઓવરના પહેલા બોલ પર ચરિથ અસલંકાના કેચ પકડ્યા હતા.
ટી ૨૦ એશિયા કપમાં સૌથી વધુ વિકેટ લેનારા બોલરો
કુલદીપ યાદવ – ૧૩
અમજદ જાવેદ – ૧૨
ભુવનેશ્વર કુમાર – ૧૧
ચરિત અસલંકાના આઉટ થવાની સાથે, કુલદીપ વધુ એક મોટો સીમાચિહ્ન હાંસલ કરવાની નજીક છે. કુલદીપ પાસે હવે શ્રીલંકાના મહાન લસિથ મલિંગાનો રેકોર્ડ તોડવાની સારી તક છે. જો કુલદીપ ફાઈનલમાં બે પાકિસ્તાની ખેલાડીઓને આઉટ કરવામાં સફળ થાય છે, તો તે એશિયા કપના ઇતિહાસમાં સૌથી વધુ વિકેટ લેનાર બોલર બનશે (વનડે અને ટી૨૦ સંયુક્ત). લસિથ મલિંગાએ એશિયા કપમાં ૧૫ મેચોમાં (વનડે અને ટી૨૦ૈં સંયુક્ત) કુલ ૩૩ વિકેટ લીધી છે. દરમિયાન, કુલદીપ યાદવે હવે ૧૭ મેચોમાં ૩૨ વિકેટ લીધી છે. કુલદીપ હવે રવિવાર, ૨૮ સપ્ટેમ્બરે દુબઈમાં ભારત અને પાકિસ્તાન વચ્ચે રમાનારી એશિયા કપ ૨૦૨૫ ની ફાઇનલ પર નજર રાખશે. તેને મલિંગાને પાછળ છોડી દેવા માટે ફક્ત બે વિકેટની જરૂર છે.
એશિયા કપમાં સૌથી વધુ વિકેટ લેનાર બોલર (વનડે અને ટી ૨૦)
લસિથ મલિંગા – ૩૩,કુલદીપ યાદવ – ૩૨,મુતૈયા મુરલીધરન – ૩૦,
કુલદીપ યાદવે પણ આ ટુર્નામેન્ટમાં પાકિસ્તાન સામે અપવાદરૂપે સારું પ્રદર્શન કર્યું છે. ૧૪ સપ્ટેમ્બરે રમાયેલી મેચમાં તેણે ૧૮ રન આપીને ૩ વિકેટ લીધી હતી અને ૨૧ સપ્ટેમ્બરે રમાયેલી મેચમાં ૩૧ રન આપીને ૧ વિકેટ લીધી હતી. તેથી, ફાઇનલમાં તેની ભૂમિકા મહત્વપૂર્ણ રહેશે.
