Amreli, તા.3
‘ઝર જમીન અને ઝોરૂ ત્રણેય કઝિયાના છોરૂ’ કહેવત પ્રમાણે રાજુલામાં એક જમીનના વિવાદનાં કારણે કૌટિબીક કાકાએ પોતાના બે ભત્રીજાને મારી નાંખવાના ઇરાદે ફોર વ્હીલ માથે ચડાવી દઈ માર મારી એકના હાથ પગ ભાંગી નાંખ્યાની પોલીસમાં ફરિયાદ નોંધાય છે.
આ બનાવમાં રાજુલા ગામે આવેલ બીડી કામદાર વિસ્તારમાં ખાખબાઇ રોડ, 66 કેવીની બાજુમાં રહેતા મહેબુબભાઇ હકીમભાઇ જોખીયા નામના 44 વર્ષિય ખેડુતને તેમનાં કુટુંબી કાકા જાફરભાઈ ઉંમરભાઈ જોખીયાને રાજુલા ખાતે બાયપાસ રોડ પાસે આવેલ એક જમીન અંગેની માલિકી બાબતનો વિવાદ ચાલતો હોય, તે બાબતે રાજુલા કોર્ટમાં કેસ કરેલ હોય, તે કેસ પાછો ખેંચી લેવા તથા આ ખેડૂતની 44 વિદ્યા જમીન લઈ લેવા માટે ગત તા.1 ના રોજ 11/30 વાગ્યે આ ખેડૂત તથા તેમનો ભાઈ ફિરોજ કોર્ટમાંથી મોટર સાયકલ લઈ ઘરે જતા હતાં.
તે દરમ્યાન આરોપી જાફરભાઈ તથા તેના ભાઈનો દીકરો રૈયાઝ રસુલભાઇ જોખીયા તથા યુસુફભાઇ નાથાભાઇ જીરૂકા સહિત ત્રણેય આરોપી ફોર વ્હીલ ગાડી નંબર GJ.01.KG.7723 ની લઈ આ ખેડૂત તથા તેમનાં ભાઈને મારી નાખવાના ઇરાદે ફોર વ્હીલ ગાડી તેમનાં ઉપર ચડાવી દઈ પછાડી દીધા હતાં.
આરોપીએ લોખંડના પાઈપ વડે ખેડૂત ઉપર જીવલેણ હુમલો કરી પાઇપ વડે આડેધડ ઘા ખેડૂતના બંને હાથ તથા બંને પગ ભાંગી નાખી ગંભીર અને જીવલેણ ઇજાઓ કરી હતી. જ્યારે તેમનાં ભાઈને માથામાં ઇજા કરી મારી નાખવાની ધમકી આપ્યાની પોલીસમાં ફરિયાદ નોંધાય છે.
