New Delhi,તા.૫
ભારતીય ક્રિકેટમાં એક નવા યુગની શરૂઆત થઈ છે, શુભમન ગિલને રોહિત શર્માના સ્થાને નવા વનડે કેપ્ટન તરીકે નિયુક્ત કરવામાં આવ્યા છે. તે ઓસ્ટ્રેલિયા પ્રવાસથી વનડે ટીમનું નેતૃત્વ કરશે. પસંદગીકારોએ શ્રેયસ અય્યરને વનડે ટીમના ઉપ-કેપ્ટન તરીકે પણ નિયુક્ત કર્યા છે. ઐયર હાલમાં ૩૦ વર્ષનો છે અને કેપ્ટન ગિલ કરતા ચાર વર્ષ મોટો છે, જ્યારે શુભમન ગિલ ૨૬ વર્ષનો છે.
શ્રેયસ ઐયરે છેલ્લા કેટલાક સમયથી વનડે ક્રિકેટમાં સારું પ્રદર્શન કર્યું છે. તેણે વનડે વર્લ્ડ કપ ૨૦૨૩ અને ચેમ્પિયન્સ ટ્રોફી ૨૦૨૫માં ટીમ માટે ઘણી શાનદાર ઇનિંગ્સ રમી હતી. તેની પાસે ઉત્તમ ટેકનિક છે અને તે મોટી ઇનિંગ્સ રમવામાં માહિર છે. હાલમાં, તે ભારતીય વનડે ટીમના મિડલ ઓર્ડરનો મુખ્ય આધારસ્તંભ છે. તેણે ૭૦ વનડે મેચમાં કુલ ૨૮૪૫ રન બનાવ્યા છે, જેમાં પાંચ સદી અને ૨૨ અડધી સદીનો સમાવેશ થાય છે.
શ્રેયસ ઐયરની કેપ્ટનશીપ હેઠળ, કોલકાતા નાઈટ રાઇડર્સે આઇપીએલ ૨૦૨૪નો ખિતાબ જીત્યો. ત્યારબાદ તે પંજાબ કિંગ્સનો કેપ્ટન બન્યો અને ટીમને ફાઇનલમાં લઈ ગયો.આઇપીએલ ૨૦૨૫ ની ફાઇનલમાં પંજાબ આરસીબી સામે ૬ રનથી હારી ગયું. ઐયર માત્ર ટીમ ઇન્ડિયા માટે બેટ્સમેન તરીકે ઉપયોગી નથી, પરંતુ તેની પાસે કેપ્ટનશિપનો અનુભવ પણ છે, જે ભારતીય ટીમ માટે ફાયદાકારક સાબિત થઈ શકે છે.
શ્રેયરે ૨૦૧૯ માં ભારતીય ક્રિકેટ ટીમ માટે વનડે ડેબ્યૂ કર્યું હતું. તેણે માર્ચમાં ચેમ્પિયન્સ ટ્રોફી ૨૦૨૫ માં ન્યુઝીલેન્ડ સામે વેસ્ટ ઇન્ડીઝ સામે છેલ્લી વનડે રમી હતી. તેણે ટીમ માટે સતત સારું પ્રદર્શન કર્યું છે, અને હવે પસંદગીકારોએ તેને ઉપ-કેપ્ટન તરીકે નિયુક્ત કરીને પુરસ્કાર આપ્યો છે.
ઓસ્ટ્રેલિયા સામેની વનડે શ્રેણી માટે ભારતીય ટીમઃ
શુભમન ગિલ (કેપ્ટન), રોહિત શર્મા, વિરાટ કોહલી, શ્રેયસ ઐયર (ઉપ-કેપ્ટન), અક્ષર પટેલ, કેએલ રાહુલ (વિકેટકીપર), નીતિશ કુમાર રેડ્ડી, વોશિંગ્ટન સુંદર, કુલદીપ યાદવ, હર્ષિત રાણા, મોહમ્મદ સિરાજ, અર્શદીપ સિંહ, પ્રસિદ્ધ કૃષ્ણ, ધ્રુવ જુરેલ (વિકેટકીપર), યશસ્વી જયસ્વાલ.
