Sri Lanka તા.6
મહિલા ODI વર્લ્ડ કપ 2025 માં કોલંબોના આર પ્રેમદાસા સ્ટેડિયમ ખાતે ભારત અને પાકિસ્તાન વચ્ચે એક રોમાંચક મેચ રમાઈ હતી. ટીમ ઈન્ડિયાએ આ મેચ 88 રનથી જીતી હતી, જે ODI ઇતિહાસમાં પાકિસ્તાન પર 12મી જીત હાંસલ કરી હતી.
ભૂતપૂર્વ ક્રિકેટર ઈરફાન પઠાણે ટીમ ઈન્ડિયાની જીતની ઉજવણી પોતાના અનોખા અંદાજમાં કરી હતી, પાકિસ્તાનને ટ્રોલ કર્યું હતું.કે પાકિસ્તાને હવે મરચાં લાગશે. પાકિસ્તાનને ફરી એકવાર ટીમ ઈન્ડિયા સામે હારનો સામનો કરવો પડ્યો છે. પહેલા
, ભારતીય પુરુષ ટીમે 2025 ના એશિયા કપમાં પાકિસ્તાનને ત્રણ વખત હરાવ્યું હતું, અને હવે, ટીમ ઈન્ડિયાએ મહિલા વર્લ્ડ કપમાં પણ પાકિસ્તાનને હરાવ્યું છે. ODI ક્રિકેટના ઇતિહાસમાં, પાકિસ્તાની મહિલા ક્રિકેટ ટીમે ક્યારેય ભારતીય ટીમને હરાવી નથી.
મહિલા વર્લ્ડ કપમાં પાકિસ્તાન પર ટીમ ઈન્ડિયાની જીતની ઉજવણી કરતી વખતે, ઈરફાન પઠાણે સોશિયલ મીડિયા પર પોસ્ટ કરીને લખ્યું, બસ બીજો રવિવાર. ખાઓ. સૂઈ જાઓ. જીતો. રિપીટ કરો. આ સતત ચોથો રવિવાર હતો જેમાં ટીમ ઈન્ડિયાએ પાકિસ્તાનને હરાવ્યું. અગાઉ, 2025 એશિયા કપમાં ભારત અને પાકિસ્તાન વચ્ચેની ત્રણેય મેચ રવિવારે રમાઈ હતી, અને ભારતે તે બધી જીતી હતી.પાકિસ્તાનને હવે મરચા લાગશે.
