મીઠાપુર પોલીસ સ્ટેશનના ગુનામાં છેલ્લા ઘણા સમયથી ફરારને ક્રાઈમ બ્રાન્ચની ટીમે દબોચ્યો
Rajkot તા.૭ઃ
શહેરના સામા કાંઠે ગ્રીનલેન્ડ ચોકડી નજીકથી દારૂના જુગારમાં નાસતા ફરતા આરોપીને રાજકોટ શહેર ક્રાઈમ બ્રાન્ચની ટીમ ઝડપી લીધો હતો અને ઝડપાયેલ આરોપી મીઠાપુર પોલીસ સ્ટેશનના ગુનામાં કેટલાક સમયથી ફરાર હતો તેમજ શહેરના અલગ અલગ પોલીસ સ્ટેશન ૬ ગુનામાં ચોપડે ચડી ચૂકેલ વિરુધ પોલીસે વધુ કાર્યવાહી હાથ ધરી છે.આ અંગે મળતી માહિતી મુજબ રાજકોટ શહેર પોલીસ કમિશનર બ્રજેશકુમાર ઝા, ડીસીપી ક્રાઈમ જગદીશ બાંગરવા,એસીપી બસિયા દ્વારા અનડિટેક ચોરી લૂંટ,સ્નેચિંગ, ઘરફોડ ચોરીના ગુનાહઓ ડિટેક્ટ કરવા અને બનતા અટકાવવા નાસતા ફરતા આરોપીને ઝડપી પાડવાની સૂચનાના પગલે શહેર ક્રાઈમ બ્રાન્ચ પીઆઈ એ એસ ચાવડાના માર્ગદર્શન હેઠળ તેમની ટીમ પેટ્રોલિંગમાં હતી
તે દરમિયાન એએસઆઇ સંજયભાઈ દાફડા હેડ કોન્સ્ટેબલ ધર્મેશભાઈ કુચાલા, કોન્સ્ટેબલ રામજીભાઈ કાળોતરા ને ખાનગી રાહે બાતમી મળેલ કે દેવભૂમિ દ્વારકા જિલ્લાના મીઠાપુર પોલીસ સ્ટેશનના દારૂના ગુનામાં નાસતો કરતો આરોપી શહેરની ગ્રીનલેન્ડ ચોકડી પાસે હોવાથી દરોડો પાડી સુરેન્દ્રનગરના પાટડી તાલુકાના ઝેઝરી ગામે રહેતો સાગર ખાનાભાઈ પરમાર ને ઝડપી પાડ્યો હતો. તેમજ આરોપી સાગર વિરુદ્ધ શહેરના ડીસીબી ૨ , તાલુકા ૨ ગાંધીગ્રામ ૧ કુવાડવા પોલીસ સ્ટેશન ૨ ગુનામાં ચોપડે ચડી ચૂકેલ વિરુધ વધુ કાર્યવાહી હાથ ધરી છે આ અંગે પીઆઇ એમ એસ ડામોર, સીએસ જાદવ, પીએસઆઇ એસએમ રાણા, એસ.એસ.આઈ સંજય દાફડા, વિજયરાજ સિંહ જાડેજા,હેડ કોન્સ્ટેબલ તુલસીભાઈ ચુડાસમા, ભાનુશંકર ધાંધલા લાલજીભાઈ હાડગડા સુભાષભાઈ ઘોઘારી, કોન્સ્ટેબલ સંજયભાઈ ખાખરીયા ધર્મેશભાઈ ખાંડેખાએ કામગીરીની ફરજ બજાવી હતી.
