Mumbai,તા.08
બોલિવૂડ ઇન્ડસ્ટ્રીના 90ના દાયકાના જાણીતાં અભિનેતા ગોવિંદાને આજે પણ કરોડો લોકો પસંદ કરે છે. આ દિવસોમાં અભિનેતા ફિલ્મ જગતથી ઘણો દૂર છે. ગોવિંદા આજકાલ પોતાની પર્સનલ લાઈફને લઈને હેડલાઈન્સમાં છે.
થોડા સમય પહેલાં ગોવિંદા અને તેની પત્ની સુનિતા આહુજાના છૂટાછેડાની વાતો વહેતી થઇ હતી. આ અહેવાલોએ ગોવિંદાના ચાહકોને આશ્ચર્યચકિત કરી દીધાં હતાં. પરંતુ થોડા સમય પછી આ અહેવાલો સંપૂર્ણપણે નકલી સાબિત થયા હતાં.
ગોવિંદા ફિલ્મ જગતમાં કમબેક કરશે ? :-
આ બધાની વચ્ચે, અભિનેતાએ ફિલ્મ જગતમાં તેની વાપસી વિશે એક મોટું અપડેટ શેર કર્યું છે. ગોવિંદા તેનાં સોશિયલ મીડિયા એકાઉન્ટ ઇન્સ્ટાગ્રામ પર એક પોસ્ટ માટે ચર્ચામાં આવ્યો છે. ગોવિંદાએ પોતાનાં ઇન્સ્ટાગ્રામ પર એક પોસ્ટ શેર કરી છે. આ પોસ્ટમાં અભિનેતાએ પોતાની તસવીર ફેન્સ સાથે શેર કરી છે. આ તસવીરની સાથે ગોવિંદાએ એક રમુજી કેપ્શન પણ લખ્યું હતું.
ગોવિંદાની આ પોસ્ટે ચાહકોનું ધ્યાન ખેંચ્યું :-
તસવીર શેર કરતા ગોવિંદાએ કેપ્શનમાં લખ્યું, ’નવી ઇનિંગ્સ માટે બધાં તૈયાર છે.’ કેપ્શન વાંચતાં જ લોકોની ખુશી સાતમા આસમાન પર પહોંચી ગઈ. આ પોસ્ટ આવ્યાં બાદ ગોવિંદાને લઈને મીડિયામાં જુદા જુદા અહેવાલો આવી રહ્યાં છે અને બોલિવૂડમાં તેની વાપસીના અહેવાલો આવી રહ્યાં છે.
ગોવિંદાના ચાહકો આ પોસ્ટ પર જોરદાર કોમેન્ટ કરી રહ્યાં છે. એક યુઝરે ટિપ્પણી કરી, ’અમે નવી ફિલ્મની રાહ જોઈ રહ્યાં છીએ સર.’ અન્ય એક યુઝરે લખ્યું, ’સર, તમે ફિલ્મ બનાવો છો, તમારી ફિલ્મો શાનદાર હોય છે. ગોવિંદાની પોસ્ટ પર દરેક જણ ઘણો પ્રેમ વરસાવી રહ્યાં છે.
ગોવિંદા આ ફિલ્મમાં છેલ્લે જોવા મળ્યાં :-
અભિનેતા ગોવિંદાની આ પોસ્ટ જોયા બાદ દરેક વ્યક્તિ તેની વાપસીની રાહ જોઈ રહ્યા છે. ગોવિંદા છેલ્લે વર્ષ 2019 માં ફિલ્મ ’રંગીલા રાજા’માં જોવા મળ્યાં હતાં. આ ફિલ્મમાં ગોવિંદાએ ડબલ રોલ કર્યો હતો. આ ફિલ્મમાં ગોવિંદાની સાથે સાથે શક્તિ કપૂર, પ્રેમ ચોપરા જેવા સ્ટાર્સ પણ જોવા મળ્યાં હતાં. તે જ સમયે, ચાહકો ગોવિંદાની આગામી ફિલ્મની આતુરતાથી રાહ જોઈ રહ્યાં છે.
