Ahmedabad,તા.૩
Gujarat ATSને એક મોટી સફળતા હાથ લાગી છે. અંડરવર્લ્ડ ડોન દાઉદ ઇબ્રાહિમના નજીકના સાગરિત અને આંતરરાષ્ટ્રીય ડ્રગ સિન્ડિકેટના મુખ્ય સૂત્રધાર સલીમ ઇસ્માઇલ ડોલાની કસ્ટડી મેળવવામાં ગુજરાત એટીએસ સફળ રહી છે. જી હા… વર્ષ ૨૦૨૨ના કરોડો રૂપિયાના સિન્થેટિક ડ્રગ્સ કેસમાં આરોપી લાંબા સમયથી વોન્ટેડ હતો.
આ ઘટના વિશે વાત કરીએ તો વર્ષ ૨૦૨૨ દરમિયાન ગુજરાત છ્જીએ ચોક્કસ બાતમીના આધારે વડોદરા નજીક આવેલા સિંધરોટ ગામમાં એક દરોડા પાડ્યા હતા. આ કામગીરી દરમિયાન ગેરકાયદેસર રીતે ધમધમતી મેફેડ્રોન (એમડી ડ્રગ્સ) બનાવતી ફેક્ટરીનો પર્દાફાશ થયો હતો. ઘટના સ્થળેથી આશરે ૮૭.૭૨૮ કિલોગ્રામ જેટલો એમડી ડ્રગ્સનો જથ્થો જપ્ત કરવામાં આવ્યો હતો. જપ્ત કરાયેલા ડ્રગ્સની આંતરરાષ્ટ્રીય બજારમાં કિંમત કરોડો રૂપિયા આંકવામાં આવી હતી. બીજી બાજુ ગુજરાત એટીએસની રેડ દરમિયાન સ્થાનિક પ્યાદાઓ ઝડપાઈ ગયા હતા, પરંતુ આ સમગ્ર નેટવર્કનો મુખ્ય માફિયા સલીમ ડોલા ફરાર થવામાં સફળ રહ્યો હતો.
અંડરવર્લ્ડ ડોન દાઉદ ઇબ્રાહિમના નજીકના સાગરિત અને આંતરરાષ્ટ્રીય ડ્રગ સિન્ડિકેટના મુખ્ય સૂત્રધાર સલીમ ઇસ્માઇલ ડોલા ભારતની વિવિધ તપાસ એજન્સીઓ માટે માથાનો દુખાવો બન્યો હતો. ગુજરાત એટીએસ મુંબઈ ક્રાઈમ બ્રાન્ચ અને કેન્દ્રીય એજન્સી દ્ગઝ્રમ્ની તપાસમાં સામે આવ્યું હતું કે તે કરોડો રૂપિયાના સિન્થેટિક ડ્રગ્સ રેકેટનો મુખ્ય ષડયંત્રકારી હતો. ભારતમાંથી ફરાર થયા બાદ તે દુબઈ અને અન્ય ખાડી દેશોમાં છુપાઈને રહેતો હતો. ત્યાંથી જ તે ભારતમાં ડ્રગ્સ ઘૂસાડવાનું આંતરરાષ્ટ્રીય સિન્ડિકેટ ચલાવતો હતો. ડ્રગ્સના કાળા કારોબારમાંથી કમાયેલા કરોડો રૂપિયાને તે હવાલા નેટવર્ક દ્વારા ટ્રાન્સફર કરતો અને વિવિધ ક્ષેત્રોમાં બેનામી રોકાણ કરતો હતો.
સલીમ ડોલાને ઝડપી પાડવા માટે દેશ-વિદેશની વિવિધ એજન્સીઓ સક્રિય હતી. ગુજરાત એટીએસ દ્વારા તેની વિરૂદ્ધ લુકઆઉટ નોટિસ તેમજ ઈન્ટરપોલના માધ્યમથી ’રેડ કોર્નર નોટિસ’ જાહેર કરાઈ હતી. લાંબી ટેક્નિકલ, ડિપ્લોમેટિક અને કાયદાકીય પ્રક્રિયા બાદ આખરે ગુજરાત એટીએસ તેને પાછો લાવવામાં સફળ રહી છે. સલીમ ડોલાની ધરપકડ બાદ તેની બારીકાઈથી પૂછપરછ કરવામાં આવશે. જી હા.. એજન્સીઓને આશા છે કે તેની કસ્ટડી દરમિયાન ડી-ગેંગના ભારતમાં સક્રિય અન્ય નેટવર્ક અને કડીઓની માહિતી મળશે. ડ્રગ્સના કાળા કારોબાર સાથે જોડાયેલા ચહેરાઓ અને ફાઇનાન્સર્સના નામો ખુલ્લા પડશે. આંતરરાષ્ટ્રીય સ્તરે ચાલતા ડ્રગ સપ્લાય રૂટ અંગેના મહત્વના પુરાવાઓ મળી શકે છે.
સલીમ ડોલાનો ગુનાહિત ઇતિહાસ ખૂબ જ લંબો અને અપરાધોથી ભરેલો છે. તે અગાઉ અનેક મોટી એજન્સીઓ દ્વારા પકડાઈ ચૂક્યો છે.૧૯૯૮ મુંબઈ આંતરરાષ્ટ્રીય એરપોર્ટ પરથી ૪૦ કિલોગ્રામ મેન્ડ્રેક્સ સાથે ધરપકડ,૨૦૧૩ મુંબઈ એન્ટી નાર્કોટિક્સ સેલ દ્વારા ૭૯ કિલોગ્રામ ચરસના જથ્થા સાથે ધરપકડ,૨૦૧૭ ડીઆરઆઇ દ્વારા ગુજરાતથી કુવૈત સુધી રૂ. ૫.૫ કરોડના ગુટખાની દાણચોરીના કેસમાં નામ સામે આવ્યું, ૨૦૧૮,મુંબઈ એન્ટી નાર્કોટિક્સ સેલ દ્વારા રૂ. ૧,૦૦૦ કરોડના ફેન્ટાનિલ ડ્રગ્સ કેસમાં કાર્યવાહી,૨૦૨૨ ઘાટકોપર પો.સ્ટે. મુંબઈ ખાતે એનડીપીએસ અને આઇપીસી ની કલમો હેઠળ ગુનો,૨૦૨૩ એનસીબી મુંબઈ દ્વારા ૨૦ કિલોગ્રામ મેફેડ્રોન કેસમાં કાર્યવાહી,૨૦૨૩ સીઆઇડી યુનિટ ૦૬ મુંબઈ ખાતે ગુનો, ૨૦૨૩,ગુજરાતમાં મેફેડ્રોન જપ્તીના અન્ય કેસમાં સંડોવણી,૨૦૨૪,કાસીગાવ પો.સ્ટે. થાણે ખાતે એનડીપીએસ, આર્મ્સ એક્ટ અને બોમ્બે પોલીસ એક્ટ હેઠળ ગુનો,૨૦૨૫,એનટોપ હીલ પો.સ્ટે. મુંબઈ ખાતે એનડીપીએસનો ગુનો દાખલ છે
સમગ્ર કેસની પર નજર કરીએ તો ગુજરાત એટીએસએ તા. ૧ ડિસેમ્બર ૨૦૨૨ના રોજ વડોદરાના સિંધરોટ ગામ ખાતે આવેલા એક મેન્યુફેક્ચરિંગ યુનિટ પર રેડ પાડીને મેફેડ્રોન ડ્રગ્સ બનાવતી ગેરકાયદે ફેક્ટરી ઝડપી પાડી હતી. આ દરોડા દરમિયાન આંતરરાષ્ટ્રીય બજારમાં રૂ. ૪૩૮.૬૪ કરોડની કિંમતનું ૮૭.૭૨૮ કિલોગ્રામ એમ.ડી. ડ્રગ્સજપ્ત કરવામાં આવ્યું હતું. આ મામલે ગુજરાત એટીએસ ગુનો નોંધી અગાઉ ૧૦ આરોપીઓની ધરપકડ કરવામાં આવી હતી.તપાસમાં ખુલાસો થયો હતો કે આ કેસનો આરોપી સૌમિલ પાઠક મુંબઈની જેલમાં સલીમ ઇસ્માઇલ ડોલાના સંપર્કમાં આવ્યો હતો અને સિંધરોટમાં બનેલો ડ્રગ્સનો જથ્થો મુંબઈમાં સલીમ ડોલાના સાગરીત અઈમાન મુસા શેખ સુધી પહોંચાડવામાં આવતો હતો.
