Amreli, તા.6
ભારતના ચૂંટણીપંચના આદેશ અનુસાર અમરેલી જિલ્લાના 5 વિધાનસભા વિસ્તાર 94-ધારી, 95-અમરેલી, 96-લાઠી, 97-સાવરકુંડલા, 98-રાજુલામાં મત વિસ્તારમાં તા.1/1/26ની લાયકાતની તારીખના સંદર્ભમાં ખાસ સઘન સુધારણા કાર્યક્રમ (Special Intensive Revision-2026) જાહેર કરવામાં આવ્યો છે.
જે કાર્યક્રમના ENUMERTAION વાળા તબકકામાં અમરેલી જિલ્લાના કુલ 1,371 મતદાન મથકોના બી.એલ.ઓ દ્વારા ગઇકાલ તા. 4.11.25 થી આગામી તા. 4.12.25 સુધી “હાઉસ ટુ હાઉસ” મુલાકાત કરીને કુલ 12,71,375 મતદારો પાસે ગણતરી ફોર્મ-એન્યુમેરેશન ફોર્મ આપવાનું શરૂ કર્યું છે.
આ હાઉસ ટુ હાઉસ મુલાકાત દરમિયાન મતદારોએ કોઈપણ પ્રકારના દસ્તાવેજ આપવાની જરૂર નથી. મતદારયાદીમાં પોતાનું નામ તથા વર્ષ 2002ની મતદારયાદી https://voters.eci.gov.in/ પર ચકાસી શકાશે. મતદાર રજીસ્ટ્રેશન સંબધિત કોઈપણ માહિતી/માર્ગદર્શન માટે 1950 હેલ્પલાઈન પર સંપર્ક કરવો અથવા મતદારો બી.એલ.ઓ નો સંપર્ક કરી શકશે.
જેથી અમરેલી જિલ્લાના નાગરીકોને મતદારયાદી સુધારણા કાર્યક્રમ દરમ્યાન Enumeration Form ભરવા બુથ લેવલ ઓફિસરોને સહયોગ કરવા અમરેલી જિલ્લા ચુંટણી અધિકારી અને અમરેલી કલેકટર દ્વારાઅનુરોધ કરવામાં આવેલ છે.
