New Delhi, તા. 13
કેન્દ્ર સરકારે નિકાસકારોને ભારે યુએસ ટેરિફની અસરનો સામનો કરવામાં મદદ કરવા માટે રૂા. 45,000 કરોડની બે યોજનાઓને મંજૂરી આપી છે. પ્રથમ, રૂા.25,060 કરોડનું નિકાસ પ્રમોશન મિશન, ભારતની નિકાસ સ્પર્ધાત્મકતાને મજબૂત બનાવવાનો હેતુ ધરાવે છે.
બીજી, નિકાસકારો માટે ક્રેડિટ ગેરંટી યોજના, રૂા.20,000 કરોડ સુધીની કોલેટરલ-મુક્ત ક્રેડિટ સપોર્ટ પ્રદાન કરશે. આ નિર્ણયો વડાપ્રધાન નરેન્દ્ર મોદીની અધ્યક્ષતામાં મળેલી કેબિનેટની બેઠકમાં લેવામાં આવ્યા હતા.
નિકાસ પ્રમોશન મિશન યુએસ ટેરિફથી પ્રભાવિત ક્ષેત્રોને સહાય પૂરી પાડશે, જેમાં કાપડ, ચામડું, રત્નો અને ઝવેરાત, એન્જિનિયરિંગ માલ અને દરિયાઈ ઉત્પાદનોનો સમાવેશ થાય છે.
આનાથી ખાસ કરીને પ્રથમ વખત નિકાસ કરનારાઓ અને શ્રમ-સઘન ક્ષેત્રોમાં સૂક્ષ્મ, નાના અને મધ્યમ ઉદ્યોગો (MSMEs) ને ફાયદો થશે. આ મિશન આ નાણાકીય વર્ષથી શરૂ થશે અને છ નાણાકીય વર્ષ સુધી ચાલશે. આ પહેલ નિકાસકારોને ભારે યુએસ ટેરિફનો સામનો કરવામાં મદદ કરશે.
કેન્દ્રીય માહિતી અને પ્રસારણ મંત્રી અશ્વિની વૈષ્ણવે જણાવ્યું હતું કે આ મિશન બે પેટા યોજનાઓ દ્વારા અમલમાં મૂકવામાં આવશેઃ રૂ. 10,401 કરોડની નિકાસ પ્રમોશન યોજના અને રૂ. 14,659 કરોડની નિકાસ દિશા યોજના.
આ એક વ્યાપક મિશન છે અને સમગ્ર નિકાસ ઇકોસિસ્ટમને ટેકો આપશે. આ પહેલ સ્થાનિક નિકાસકારોને યુએસ ટેરિફથી પોતાને બચાવવામાં મદદ કરશે. ઉલ્લેખનીય છે કે યુએસએ 27 ઓગસ્ટથી ભારતીય માલ પર 50 ટકાનો ભારે ટેરિફ લાદ્યો છે
ભારતીય ઉત્પાદનો માટે બજાર પ્રવેશ સરળ બનશે નિકાસ પ્રોત્સાહન
વ્યાજ સહાય, નિકાસ ક્રેડિટ ખરીદી કરારો, ગેરંટી, ઈ-કોમર્સ નિકાસકારો માટે ક્રેડિટ કાર્ડ અને નવા બજારોમાં વૈવિધ્યકરણ માટે ક્રેડિટ વૃદ્ધિ સપોર્ટ જેવા અનેક સાધનો દ્વારા ખજખઊ માટે સસ્તા વેપાર ધિરાણની ઍક્સેસ સુધારવા પર ધ્યાન કેન્દ્રિત કરે છે.
નિકાસ દિશાઃ બિન-નાણાકીય ક્ષમતાઓ પર ધ્યાન કેન્દ્રિત કરે છે જે બજારની તૈયારી અને સ્પર્ધાત્મકતામાં વધારો કરે છે. આમાં નિકાસ ગુણવત્તા અને પાલન સહાય, આંતરરાષ્ટ્રીય બ્રાન્ડિંગ, પેકેજિંગ સહાય અને વેપાર મેળાઓમાં ભાગીદારી, નિકાસ વેરહાઉસિંગ અને લોજિસ્ટિક્સ, આંતરદેશીય પરિવહન ભરપાઈ અને વેપાર ગુપ્ત માહિતી અને ક્ષમતા નિર્માણ પહેલનો સમાવેશ થાય છે.
DGFT અમલીકરણ એજન્સી તરીકે કાર્ય કરશે
નિકાસ પ્રમોશન મિશન નિકાસ અવરોધોને દૂર કરવા માટે રચાયેલ છે. વિદેશ વેપાર મહાનિર્દેશાલય (DGFT) અમલીકરણ એજન્સી તરીકે કાર્ય કરશે. અરજીથી લઈને વિતરણ સુધીની બધી પ્રક્રિયાઓ એકીકૃત, સમર્પિત ડિજિટલ પ્લેટફોર્મ દ્વારા સંચાલિત કરવામાં આવશે.
ક્રેડિટ ગેરંટી યોજનામાં 100% કવરેજ
ક્રેડિટ ગેરંટી યોજના હેઠળ, નેશનલ ક્રેડિટ ગેરંટી ટ્રસ્ટી કંપની લિમિટેડ સભ્ય ધિરાણ સંસ્થાઓને 100% ક્રેડિટ ગેરંટી કવરેજ પૂરું પાડશે જેથી MSME સહિત પાત્ર નિકાસકારોને રૂા.20,000 કરોડ સુધીની વધારાની ક્રેડિટ સુવિધાઓ પૂરી પાડી શકાય. આ યોજના નાણાકીય સેવાઓ વિભાગ દ્વારા લાગુ કરવામાં આવશે.
તે ભારતીય નિકાસકારોની વૈશ્વિક સ્પર્ધાત્મકતામાં વધારો કરશે અને નવા અને ઉભરતા બજારોમાં વૈવિધ્યકરણને ટેકો આપશે તેવી અપેક્ષા છે. આ યોજના સરળ વ્યવસાયિક કામગીરી સુનિશ્ચિત કરશે.
મહત્વપૂર્ણ ખનીજો પર તર્કસંગત રોયલ્ટી
વૈષ્ણવે જણાવ્યું હતું કે, સ્થાનિક ઉત્પાદનને પ્રોત્સાહન આપવા માટે, સરકારે ગે્રફાઇટ, સીઝિયમ, બિડિયમ અને ઝિર્કોનિયમ પર રોયલ્ટી દરોને તર્કસંગત બનાવવાને મંજૂરી આપી છે. આનાથી આ ચાર ખનિજો માટે બ્લોક્સની હરાજીને પ્રોત્સાહન મળશે.
આનાથી આ ખનિજો સાથે મળી આવતા અન્ય મહત્વપૂર્ણ ખનીજો, જેમ કે લિથિયમ, ટંગસ્ટન, REs અને નિઓબિયમના નિષ્કર્ષણને પણ સરળ બનાવશે. આ ખનીજનો ઉપયોગ પરમાણુ ઊર્જા, એરોસ્પેસ, આરોગ્યસંભાળ, ઇલેક્ટ્રિક વાહનો, ઘડિયાળો, GPS સિસ્ટમ્સ અને તબીબી ઉપકરણોમાં થાય છે.
