New Delhi, તા.13
ભૂતપૂર્વ ભારતીય ક્રિકેટ કેપ્ટન રોહિત શર્મા સાત વર્ષ પછી વિજય હજારે ટ્રોફીમાં પાછા ફરવા સામે પ્રશ્ન ઉભા થયા છે. મળતી માહિતી અનુસાર, તેણે મુંબઈ ક્રિકેટ એસોસિએશનને તેના નિર્ણયની જાણ કરી દીધી છે. તે છેલ્લે 2018 માં ટુર્નામેન્ટમાં રમ્યા હતા. રોહિતે BCCI ના કડક નિર્દેશો બાદ આ નિર્ણય લીધો હતો.
જોકે, MCA ના એક અધિકારીએ જણાવ્યું છે કે, તેમને રોહિત તરફથી કોઈ માહિતી મળી નથી. તેથી, આ કંઈક અંશે શંકાસ્પદ છે. બોર્ડે તાજેતરમાં જણાવ્યું હતું કે, જો વરિષ્ઠ ખેલાડીઓ ભવિષ્યની ODI અને 2027 વર્લ્ડ કપ માટે દાવેદારીમાં રહેવા માંગતા હોય તો તેમણે ડોમેસ્ટિક ક્રિકેટ રમવું જ જોઈએ.
માહિતી અનુસાર, 38 વર્ષીય રોહિતે 24 ડિસેમ્બરથી શરૂ થતી સીઝનમાં મુંબઈના અભિયાનમાં જોડાવા માટેની તૈયારી બતાવી છે. દરમિયાન, ભારત દક્ષિણ આફ્રિકા સામે હોમ ગ્રાઉન્ડ ODI શ્રેણી (3-9 ડિસેમ્બર) અને પછી 11 જાન્યુઆરીથી ન્યુઝીલેન્ડ સામે રમવાનું છે.
આ દરમિયાન, વિરાટ કોહલીના ડોમેસ્ટિક ક્રિકેટમાં પાછા ફરવા અંગે હજુ સુધી કોઈ માહિતી નથી. મળતી વિગતો મુજબ, 37 વર્ષીય વિરાટ કોહલી, જે હવે લંડનમાં રહે છે, તેણે દિલ્હી અને જિલ્લા ક્રિકેટ એસોસિએશન (DDCA) ને તેની યોજનાઓ વિશે જાણ કરી નથી.
