Morbi, તા.24
મોરબીના રાજપર ગામે આવેલ સરકારી ગોડાઉન નજીક યુવાન અને તેના શેઠ બંને આઇસરના ટાયરમાં પંચર કરાવવા માટે ઊભ હતા ત્યારે ત્રણેક દિવસ પહેલા જે શખ્સની સામે મજૂરી કામ બાબતે બોલાચાલી થયેલ હતી તે શખ્સે માથાના ભાગે લોખંડની ટોમી મારીને જાનથી મારી નાખવાની ધમકી આપી હતી.
વીસીપરા વિસ્તારમાં રમેશ કોટન મિલની ચાલીમાં રહેતા કાસમભાઈ કાદરભાઈ કાજડીયા (30)એ અર્જુનભાઈ અરવિંદભાઈ દેવીપુજક રહે. કુબેર ટોકીઝ પાસે મોરબી વાળા સામે ફરિયાદ નોંધાવેલ છે જેમાં જણાવ્યું છે કે, રાજપર ગામે આવેલ સરકારી અનાજના ગોડાઉન પાસે ફરિયાદીને ત્રણેક દિવસ પહેલા આરોપી સાથે મજૂરી કામ બાબતે બોલાચાલી થયેલ હતી જે બાબતનો ખાર રાખીને ફરિયાદી તથા તેના શેઠ પરેશભાઈ આઇસરના ટાયરમાં પંચરનું કામ કરાવતા હતા.
ત્યારે આરોપીએ ત્યાં આવીને ફરિયાદીને જેમ ફાવે તેમ ગાળો આપીને ધમકી અને લોખંડની ટોમી ફરિયાદીને માથાના મારીને ગંભીર ઇજા કરી હતી જેથી ઇજા પામેલ હાલતમાં તે યુવાનને સારવાર માટે હોસ્પિટલે લઈ ગયા હતા અને ત્યારબાદ તેને નોંધાવેલ ફરિયાદ આધારે પોલીસે ગુનો નોધી આરોપીને પકડવા માટે તજવીજ શરૂ કરેલ છે.
દાતરડા વડે હુમલો
નવલખી રોડ ઉપર આવેલા રણછોડનગર વિસ્તારમાં રહેતા હાજી દિલાવરભાઈ કાજડીયા (24) નામના યુવાનને મોરબીમાં તખતસિંહજી રોડ પાસે કોઈ શખ્સે દાતરડા વડે માર મારતા સારવાર માટે મોરબીની સિવિલ હોસ્પિટલ ખાતે લઈને આવ્યા હતા.
આધેડ સારવારમાં
મોરબીમાં એ ડિવિઝન પોલીસ સ્ટેશન પાસે આવેલ પોલીસ લાઈન ખાતે રહેતા રાજેન્દ્રસિંહ બહાદુરસિંહ ચુડાસમા (56) નામના આધેડ સુપર માર્કેટ પાસેથી બાઈકમાં જઈ રહ્યા હતા ત્યારે બાઇક સ્લીપ થવાના કારણે ઈજા પામેલા આધેડને સારવાર માટે હોસ્પિટલે લઈને આવ્યા હતા.
