Kutch,તા.25
કચ્છના રાપર પાસે ભારત-પાકિસ્તાનની આંતરરાષ્ટ્રીય બોર્ડર ધરાવતા ખડીર વિસ્તારમાં વારંવાર પાકિસ્તાની શખ્સો પકડાવાની ઘટના પ્રકાશમાં આવતી હોય છે. તેવામાં બે મહિના પહેલા જ રાપરના રતનપર ગામ પાસેથી હિન્દુ પાકિસ્તાની પ્રેમી પંખીડા પકડાયા હતા.
તે ઘટના હજુ તાજી છે તેવામાં વધુ એક વાર આંતરરાષ્ટ્રીય બોર્ડર પર પીલર નંબર 1016 પાસેથી પાકિસ્તાનના વતની પોપટ કુમાર નથુભાઈ (ઉવ. 24) તેમજ ગૌરી ગુલાબ (મીઠીની રહેવાસી) પાકિસ્તાનને બીએસએફ દ્વારા ઝડપી પાડવામાં આવ્યા હતા.
આ અંગે બીએસએફ દ્વારા સઘન પૂછપરછ પણ હાથ ધરવામાં આવી રહી છે અને વિધિવત બાલાસર પોલીસ સ્ટેશનમાં ફરિયાદ નોંધાવવા તજવીજ હાથ ધરવામાં આવશે. પકડાયેલા લવબર્ડ પાસેથી કોઈ વાંધાજનક મળ્યું નથી. પરંતુ વારંવાર આ પ્રકારની ઘટના બનતા સુરક્ષા એજન્સીઓ સતર્ક બની ગઇ છે અને વધુ તપાસ હાથ ધરી છે.
