New Delh,તા.૨૩
રાઉઝ એવન્યુ કોર્ટે ચાઇનીઝ વિઝા કૌભાંડ કેસમાં કોંગ્રેસના સાંસદ કાર્તિ ચિદમ્બરમ અને અન્ય લોકો સામે ગુનાહિત કાવતરાના આરોપો ઘડ્યા છે. કોર્ટે આ કેસમાં ભાસ્કર રમનને પણ આરોપી તરીકે નામ આપ્યું છે. આ કેસમાં આગામી સુનાવણી ૧૬ જાન્યુઆરીએ થશે. આરોપો ઘડ્યા બાદ, કોંગ્રેસના સાંસદ કાર્તિ ચિદમ્બરમે કહ્યું કે કાનૂની પ્રક્રિયા તેમને ઘણા રસ્તા આપે છે, અને તે બધાનો ઉપયોગ કરશે.
કાર્તિ ચિદમ્બરમ અને અન્ય સાત લોકો સામે કેસની સુનાવણી કરી રહેલા સ્પેશિયલ જજ ડિગ વિનય સિંહે સાત આરોપીઓ સામે આરોપો ઘડવાનો આદેશ આપ્યો હતો અને આ કેસમાં ચેતન શ્રીવાસ્તવ નામના વ્યક્તિને નિર્દોષ જાહેર કર્યો હતો.
અગાઉ, ઓક્ટોબર ૨૦૨૪ માં, સીબીઆઇ એ કાર્તિ ચિદમ્બરમ અને અન્ય લોકો સામે ચાર્જશીટ દાખલ કરી હતી. ઈડીએ ૨૦૧૧ માં ૨૬૩ ચીની નાગરિકોને વિઝા આપવા સંબંધિત કથિત કૌભાંડમાં આરોપીઓ સામે મની લોન્ડરિંગનો કેસ દાખલ કર્યો હતો. કથિત કૌભાંડ સમયે કાર્તિના પિતા પી. ચિદમ્બરમ કેન્દ્રીય ગૃહમંત્રી હતા.
