Rajkot,તા.03
રાજકોટમાં સગીરાને જ્યુસમાં કેફી પીણું પીવડાવી બેભાન કરીને તેના પર દુષ્કર્મ આચર્યાની ચોંકાવનારી ઘટના સામે આવી છે. મૂળ સાવરકુંડલાની સગીરા યુવતિ મોડેલિંગ સાથે જોડાયેલી હતી. હાલ આ મામલે પોલીસે ફરિયાદ નોંધી છે અને યુવતીનું નિવેદન પણ લીધુ છે, તપાસનો ધમધમાટ શરૂ થયો છે. જોકો, પોલીસ દ્વારા યુવકની અટકાયત કરાઈ નથી.
સૂત્રોના જણાવ્યાનુસાર, સાવરકુંડલા પંથકની 17 વર્ષની સગીરા છેલ્લા બે મહિનાથી રાજકોટની એક હોટેલમાં રહેતી હતી અને મોડલિંગ કરતી હતી. આ સમય દરમિયાન તેણે રીબડા ગામના અમીત દામજી ખુંટ નામના પટેલ યુવાન સાથે સપ્તાહ પહેલા જ પરીચય થયો હતો. અને બન્ને અવાર-નવાર મળતા હતા.
