Ahmedabad,તા.13
અમદાવાદ વિમાની મથકેથી સોનાની સતત વધી રહેલી દાણચોરીમાં હવે એરએશિયાની ફલાઈટ મારફત અહી પહોંચેલા બે મુસાફર પાસેથી રૂા.1.29 કરોડનું સોનુ ઝડપી લેવામાં આવ્યુ હતું.
આજે સવારે આ ફલાઈટ અહી પહોંચી પછી કસ્ટમની તલાશી સમયે આ બંને મુસાફરોએ સોનાની પેસ્ટ બનાવી હતી અને તે પ્લાસ્ટીકની સ્ટીકમાં છુપાવીને લઈ જવાનો પ્રયત્ન કર્યો હતો.
આ બંને મુસાફરોએ તેના શરીર સાથે આ સ્ટીક ચોટાડી દીધી હતી અને નો ડીકલેર ઝોનમાંથી નીકળવાનો પ્રયત્ન કર્યો હતો પરંતુ અગાઉથી મળેલી બાતમી પરથી બંનેને અટકાવીને તલાશી લેવાતા તેમની પાસેથી આ સોનુ ઝડપી લેવાયુ હતું. જેમાં વધુ પુછપરછ શરુ કરવામાં આવી છે.
