Mumbai, તા.11
IPL 2026 ની તૈયારીઓ વચ્ચે, મુંબઈ ઈન્ડિયન્સ (MI) અને સનરાઈઝર્સ હૈદરાબાદ (SRH) વચ્ચે મોટા વેપારની અટકળોએ સોશિયલ મીડિયા પર ધમાલ મચાવી છે. અહેવાલો અનુસાર, SRH એ હિટમેન રોહિત શર્મા માટે ઓફર કરી છે, જેના બદલામાં તેઓ તેમના સ્ટાર બેટ્સમેન ટ્રેવિસ હેડને મુંબઈ મોકલવા માટે સંમત થયા છે.
જ્યારે બંને ફ્રેન્ચાઇઝ દ્વારા હજુ સુધી કોઈ સત્તાવાર નિવેદન જારી કરવામાં આવ્યું નથી, આ ટ્વિટથી ચાહકોમાં ઉત્સાહ ફેલાયો છે. ટીમો આ મહિને IPL 2026 માટે તેમના રિટેન કરેલા અને રિલીઝ થયેલા ખેલાડીઓની યાદી જાહેર કરવાની છે.
આ પહેલા, અટકળો ચાલી રહી છે. એવી પણ અટકળો ચાલી રહી છે કે રાજસ્થાન રોયલ્સના કેપ્ટન સંજુ સેમસનને ઈજઊં સાથે ટ્રેડ કરી શકાય છે. અહેવાલો અનુસાર, RR એ બદલામાં રવિન્દ્ર જાડેજા અને મથિશા પથિરાનાની માંગણી કરી છે.
ઇન્ડિયન ક્રિકેટ નામના એકાઉન્ટે એક ટ્વિટ પોસ્ટ કર્યું, જેમાં કહેવામાં આવ્યું હતું કે, “SRH એ ટ્રેવિસ હેડના બદલામાં રોહિત શર્મા માટે મુંબઈ ઈન્ડિયન્સનો સંપર્ક કર્યો છે.” તેમાં દાવો કરવામાં આવ્યો હતો કે હૈદરાબાદે સીધી મુંબઈ ઈન્ડિયન્સ સાથે વાત કરી હતી અને હિટમેનને તેમની ટીમમાં સમાવવાનો પ્રયાસ કર્યો હતો. પોસ્ટને થોડા કલાકોમાં 4.9 લાખથી વધુ વ્યૂઝ મળ્યા હતા. આ સમાચાર ફેલાતાં જ સોશિયલ મીડિયામાં ભારે હોબાળો મચી ગયો.
ચાહકોએ કહ્યું, જો અભિષેક શર્મા અને રોહિત શર્મા સાથે ઇનિંગની શરૂઆત કરે છે, તો IPL ઇતિહાસ રચાશે. ઘણા યુઝર્સે એમ પણ લખ્યું, જો મુંબઈ રોહિતને જવા દે છે, તો તે તેમની સૌથી મોટી ભૂલ હશે. કેટલાક ચાહકોએ મજાકમાં કહ્યું કે જો આ ડીલ થઈ જાય, તો ટ્રેવિસ હેડ MIનો આગામી કેપ્ટન બની શકે છે.
