Mumbai,તા.૨૪
આઇપીએલ ૨૦૨૫ ની ૬૫મી મેચમાં, રોયલ ચેલેન્જર્સ બેંગ્લોરને સનરાઇઝર્સ હૈદરાબાદ સામે કારમી હારનો સામનો કરવો પડ્યો. આ મેચમાં, ઇઝ્રમ્ના નિયમિત ખેલાડી રજત પાટીદારની જગ્યાએ જીતેશ શર્મા ટીમનું નેતૃત્વ કરતા જોવા મળ્યા. પાટીદાર સંપૂર્ણપણે ફિટ ન હતો, તેથી તે ઇમ્પેક્ટ પ્લેયર તરીકે રમવા આવ્યો. આ જ કારણ હતું કે જીતેશ શર્માએ એસઆરએચ સામે આરસીબીની કેપ્ટનશીપ સંભાળી. જોકે, જીતેશ બેટિંગ અને કેપ્ટનશીપ બંનેમાં નિષ્ફળ ગયો. તેના બેટમાંથી ફક્ત ૨૪ રન આવ્યા અને તેની ટીમ ૪૨ રનથી મેચ હારી ગઈ. આ હાર બાદ ટીમને બીજો મોટો ફટકો પડ્યો છે.
હકીકતમાં, જીતેશ શર્માની ભૂલનું પરિણામ રજત પાટીદારને ભોગવવું પડ્યું. રોયલ ચેલેન્જર્સ બેંગ્લોરના કેપ્ટન રજત પાટીદાર પર ભારે દંડ ફટકારવામાં આવ્યો છે. આ દંડ સનરાઇઝર્સ હૈદરાબાદ સામે ધીમા ઓવર રેટ માટે ફટકારવામાં આવ્યો છે.આઇપીએલની આચારસંહિતા હેઠળ લઘુત્તમ ઓવર-રેટના ગુનાઓ સંબંધિત સિઝનમાં પાટીદારનો આ બીજો ગુનો હોવાથી, પાટીદારને ૨૪ લાખનો દંડ ફટકારવામાં આવ્યો હતો. બાકીની પ્લેઇંગ ઇલેવન, જેમાં ઇમ્પેક્ટ પ્લેયરનો પણ સમાવેશ થાય છે, તેમને વ્યક્તિગત રીતે ૬ લાખ રૂપિયા અથવા તેમની મેચ ફીના ૨૫ ટકા, જે ઓછું હોય તે દંડ ફટકારવામાં આવ્યો છે.
રોયલ ચેલેન્જર્સ બેંગ્લોર જ નહીં, સનરાઇઝર્સ હૈદરાબાદના કેપ્ટન પેટ કમિન્સને પણ સ્લો ઓવર રેટ માટે દંડ ફટકારવામાં આવ્યો છે.આઇપીએલ આચારસંહિતાના કલમ ૨.૨૨ હેઠળ વર્તમાન સિઝનમાં આ તેની ટીમનો પહેલો ગુનો હતો, જે ન્યૂનતમ ઓવર-રેટના ગુનાઓ સાથે સંબંધિત છે, તેથી કમિન્સને ૧૨ લાખ રૂપિયાનો દંડ ફટકારવામાં આવ્યો છે.
