Morbi,તા.25
બે ઈસમો વિરુદ્ધ યુવાને પોલીસ ફરિયાદ નોંધાવી
મોરબીમાં વ્યાજખોરો બેલગામ બન્યા છે પોલીસના લોક દરબાર સહિતના કાર્યક્રમો છતાં વ્યાજખોરો પર અંકુશ લાવવામાં સફળતા મળી નથી અવારનવાર વ્યાજખોરોના ત્રાસથી ફરિયાદો પોલીસ મથકે નોંધાતી રહે છે જેમાં એક યુવાને તેના બાળપણના મિત્ર સહીત બે આરોપીઓ વિરુદ્ધ વ્યાજની પઠાણી ઉઘરાણી કરી ગાળો આપી ધમકી આપ્યાની ફરિયાદ નોંધાવી છે
રાજકોટ સૌરાષ્ટ્ર યુનીવર્સીટી રોડ પર રહેતા વિકાસભાઈ ધરમશીભાઈ સાદરીયાએ આરોપીઓ સુનીલ પ્રેમજી દલસાણીયા રહે રવાપર રોડ મોરબી અને વિપુલ સવસેટા જેના મોબાઈલ નંબર ૮૭૫૮૭ ૦૬૬૭૨ વિરુદ્ધ ફરિયાદ નોંધાવી છે જેમાં જણાવ્યું છે કે આરોપી સુનીલ દલ્સાણીયા બાળપણના મિત્ર છે બંને ધ્રોલ તાલુકાની શાળામાં બે વર્ષ સાથે અભ્યાસ કર્યો હતો એકાદ વર્ષ પૂર્વે સુનીલભાઈને રવાપર ચોકડી ખાતે મળ્યા ત્યારે ધંધા માટે વ્યાજે પાંચ લાખ લેવા માટે વાતચીત કરી હતી અને સુનીલભાઈએ પાંચ લાખ સામે દરરોજના ૫ હજાર વ્યાજ આપવાનું થશે તેમ વાત કરતા ફરિયાદી સહમત થયા હતા બીજા દિવસે તા. ૦૨-૦૧-૨૦૨૪ ના રોજ સુનીલભાઈ ભક્તિનગર સર્કલ પાસે રોકડા રૂ ૫ લાખ આપી ગયા હતા જેને અવેજીમાં HDFC બેંકના ૩ કોરા ચેક આપ્યા હતા એક અઠવાડિયા બાદ વધુ રૂપિયાની જરૂરત પડતા ફરી સુનીલભાઈને ફોન કરતા તેના મિત્ર વિપુલ સવસેટાનો કોન્ટેકટ કરાવ્યો હતો જેની સાથે વાતચીત કરતા એક લાખ રૂપિયા સામે દરરોજના એક હજાર વ્યાજ થશે કહેતા યુવાને હા પાડી હતી
તા. ૧૩-૦૧-૨૦૨૪ ના રોજ ભક્તિનગર સર્કલ પાસે રૂપિયા ૫ લાખ આપી ગયા હતા જેના અવેજીમાં HDFC બેંકના ૩ કોરા ચેક આપ્યા હતા બંને પાસેથી રૂપિયા લીધેલ તારીખથી દર દસ દિવસે બંનેને ૫૦,૦૦૦ વ્યાજ ચુકવતા હતા જે વ્યાજ ગૂગલ પે દ્વારા સુનીલભાઈ દલસાણીયાને રૂ ૧૦,૦૦,૦૦૦ વ્યાજ ચૂકવેલ છે ઈમ્પોર્ટ/એક્સપોર્ટ કરવા પેઢી ક્રિષ્ના ટ્રેડ ઝોન નામની પેઢીમાંથી રૂ ૨,૭૫,૦૦૦ નેટ બેન્કિંગ દ્વારા તેમજ ધર્મેન્દ્રભાઈ અને ભાભીના નામે રહેલ ક્રિષ્ના ઓશિયન પ્રાઈવેટ લીમીટેડ પેઢીના ખાતામાંથી રૂ ૨,૪૫,૦૦૦ નેટ બેન્કિંગ દ્વારા ચૂકવ્યા તથા મિત્ર ભાવેશ ભાવેશ જયંતી ફેફરના ખાતામાંથી ૧,૯૯,૯૦૦ ચૂકવી નેટ બેન્કિંગ દ્વારા ચૂકવેલ છે માસીના દીકરા વિમલ મેઘજી સવેરાના ગૂગલ પેથી ૧ લાખ, રમેશ કાંતિ આંગડીયા રાજકોટ દ્વારા ૬૩,૫૦૦ અને ૬૦,૦૦૦ જુદી જુદી તારીખે ચૂકવ્યા હતા
આમ આરોપી સુનીલભાઈ દલસાણીયા પાસેથી રૂ ૫ લાખ વ્યાજે લીધા જેની સામે ૧૭,૪૩,૫૦૦ વ્યાજ ચૂકવેલ અને વિપુલ સવસેટા પાસેથી ૫ લાખ લીધા હતા જેની સામે રૂ ૭,૭૦,૦૦૦ ચૂકવ્યા છતાં વ્યાજ ના આપું to ફોન પર ગાળો આપી ધમકી આપે છે મોરબી સીટી એ ડીવીઝન પોલીસે બંને ઈસમો વિરુદ્ધ ફરિયાદ નોંધી વધુ તપાસ ચલાવી છે
