રાજય કલા પ્રદર્શનમાં ડ્રોઈંગ અને પેન્ટિંગ વિભાગમાં વિજેતા થયેલ કલાકારોના ચિત્રો તા.૨૨ તથા ૨૩ માર્ચના રોજ ટાઉનહોલ ખાતે વિનામૂલ્યે નિહાળી શકાશે
Jamnagar તા.19
ગુજરાત સરકારના રમત ગમત યુવા અને સાંસ્કૃતિક પ્રવૃતિઓ વિભાગ ગાંધીનગરના તાબા હેઠળની ગુજરાત રાજ્ય લલિતકલા અકાદમી દ્વારા રાજય કલા પ્રદર્શનમાં ડ્રોઈંગ અને પેન્ટિંગ વિભાગમાં વિજેતા થયેલ કલાકારોને બોલાવી કન્ટેમ્પરી આર્ટીસ્ટ કેમ્પનું જામનગર ખાતે આયોજન કરવામાં આવેલ છે. કન્ટેમ્પરી આર્ટીસ્ટ કેમ્પમાં ચિત્રકામ પૂર્ણ થયા બાદ આ કલાકારો દ્વારા તૈયાર કરેલ પેન્ટિંગનું પ્રદર્શન યોજવામાં આવશે.આ વર્ષે જામનગર ખાતે આ કન્ટેમ્પરી આર્ટીસ્ટ કેમ્પનું આયોજન તા.૧૭/૦૩/૨૦૨૫ થી તા.૨૧/૦૩/૨૦૨૫ દરમ્યાન કરવામાં આવેલ છે. તથા આ કેમ્પ દરમ્યાન કલાકારો દ્વારા તૈયાર કરેલ પેન્ટિંગનું પ્રદર્શન તા.૨૨/૦૩/૨૦૨૫ના રોજ સાંજે ૦૫:૩૦ કલાક થી તા.૨૩/૦૩/૨૦૨૫ સાંજે ૦૮:૦૦ કલાક સુધી આર્ટ ગેલેરી, ટાઉનહોલ, જામનગર ખાતે યોજાનાર છે.જામનગરની જાહેર જનતાને આ પ્રદર્શન વિનામૂલ્યે નિહાળવા જિલ્લા યુવા વિકાસ અધિકારી જામનગરની યાદીમાં જણાવાયું છે.
