શિયાળા દરમિયાન વાયુ પ્રદૂષણનો સામનો કરવા માટે ૨૧-પોઇન્ટનો એક્શન પ્લાન લાગુ કરવામાં આવશે
New Delhi,તા.૨૫
દિલ્હીના પર્યાવરણ મંત્રી ગોપાલ રાયે વાયુ પ્રદૂષણનો સામનો કરવા માટે વિન્ટર એક્શન પ્લાનની જાહેરાત કરી છે. રાષ્ટ્રીય રાજધાની દિલ્હીમાં શિયાળા દરમિયાન વાયુ પ્રદૂષણનો સામનો કરવા માટે ૨૧-પોઇન્ટનો એક્શન પ્લાન લાગુ કરવામાં આવશે.
ગોપાલ રાયે કહ્યું, વાયુ પ્રદૂષણને નિયંત્રિત કરવા માટે, દિલ્હીની આસપાસના રાજ્યો અને કેન્દ્ર સરકારે સાથે મળીને કામ કરવાની જરૂર છે. ૨૦૧૬ અને ૨૦૨૩ વચ્ચે દિલ્હીમાં વાયુ પ્રદૂષણમાં ૩૪.૬ ટકાનો ઘટાડો થયો છે. વનીકરણ જેવી લાંબા ગાળાની યોજનાઓને કારણે પ્રદૂષણ ઘટાડવામાં મદદ મળી છે.
તેમણે વધુમાં કહ્યું કે છેલ્લા ૪ વર્ષમાં ૨ કરોડ વૃક્ષો વાવ્યા, વૃક્ષારોપણની નીતિથી મદદ મળી, ૭૫૪૫ જાહેર પરિવહન બસો દિલ્હીના રસ્તાઓ પર દોડી રહી છે. ઈફ નીતિ સફળ સાબિત થઈ રહી છે. દિલ્હીએ તેના થર્મલ પાવર પ્લાન્ટ બંધ કરી દીધા છે, પરંતુ સમાન પ્લાન્ટ હજુ પણ દ્ગઝ્રઇ રાજ્યોમાં કાર્યરત છે. ગોપાલ રાયે એમ પણ કહ્યું કે દિલ્હી સરકાર ઓડ-ઈવનની તૈયારી કરી રહી છે. આ યોજના માત્ર ઇમરજન્સી પગલા તરીકે જ લાગુ કરવામાં આવશે. તેમણે કહ્યું, અમે કેન્દ્રીય પર્યાવરણ મંત્રીને પત્ર લખીને શિયાળા દરમિયાન કૃત્રિમ વરસાદ કરવાની પરવાનગી માંગી છે. અમે ૧ નવેમ્બરથી ૧૫ નવેમ્બરની વચ્ચે કૃત્રિમ વરસાદની તૈયારી કરવા માંગીએ છીએ, જ્યારે દિવાળી પછી પ્રદૂષણનું સ્તર સૌથી વધુ હશે અને તેના કારણે સ્ટબલ બર્નિંગ ટોચ પર અપેક્ષિત છે. તેમણે કહ્યું કે મંત્રીએ હજુ સુધી પત્રનો જવાબ આપ્યો નથી. મંત્રી ગોપાલ રાયે કહ્યું કે પ્રદૂષણના હોટસ્પોટ વિસ્તારો પર ડ્રોન દ્વારા વાસ્તવિક સમય પર નજર રાખવામાં આવશે. રાજધાની પ્રદેશમાં પ્રદૂષણ પર નજર રાખવા માટે પર્યાવરણ મંત્રાલય, પરિવહન મંત્રાલય, દિલ્હી મ્યુનિસિપલ કોર્પોરેશન અને જાહેર બાંધકામ વિભાગના કર્મચારીઓ સહિત ૮૬ સભ્યોની એક વિશેષ ટાસ્ક ફોર્સની રચના કરવામાં આવશે.
