Mumbai,તા.05
શાહિદ કપૂરની દેવા ગયાં અઠવાડિયે થિયેટરોમાં રજૂ થઈ હતી. આ ફિલ્મ પર વિવેચકોની મિશ્ર પ્રતિક્રિયા આવી છે. જોકે શાહિદને પોલીસ તરીકેની ભૂમિકામાં ખૂબ પ્રશંસા મેળવી છે. આ ફિલ્મ અત્યાર સુધીના પહેલાં અઠવાડિયામાં બોક્સ ઓફિસ પર સ્થિર રહી છે.
સેકનીલ્ક ડેટા મુજબ હવે આ ફિલ્મ 24 કરોડથી વધુની કમાણી કરી છે. દેવાનું દિગ્દર્શન રોશન એન્ડ્ર્રુઝ દ્વારા કરવામાં આવ્યું છે. રિપોર્ટમાં જણાવાયું છે કે દેવાએ રિલીઝના પાંચ દિવસમાં 24.25 કરોડની કમાણી કરી છે.
આ ફિલ્મે ઓપનિંગ દિવસ પર 5.5 કરોડ અને બીજા દિવસે 6.4 કરોડ અને ત્રીજા દિવસે 7.2 કરોડની કમાણી કરી હતી. ફિલ્મે ગઈકાલે 2.35 કરોડની કમાણી કરી હતી જે ઓપનિંગ દિવસની 5.5 કરોડની કમાણી કરતાં ઓછી હતી.
દેવાએ રોશનની 2013 ની મલયાલમ ફિલ્મ મુંબઇ પોલીસની રીમેક છે, જેમાં પૃથ્વીરાજ સુકુમારન મુખ્ય ભૂમિકામાં હતો. શાહિદ એસીપી દેવાની ભૂમિકા ભજવે છે જે તેનાં ખાસ મિત્રની હત્યાનાં કેસને હલ કરવાનો પ્રયાસ કરતી વખતે તેની યાદશક્તિ ગુમાવે છે. પૂજા હેગડે દેવાની પ્રેમીકાની ભૂમિકા ભજવે છે જે એક પત્રકાર હોય છે.
