Vadodara,તા.24
વડોદરા કોર્પોરેશનના નિવૃત્ત કર્મચારીઓ અધિકારીઓને દર વર્ષે પોતાની હયાતી માટે કોર્પોરેશનની કચેરી ખાતે જવું પડે નહીં તેને ધ્યાનમાં રાખી મ્યુનિસિપલ કમિશનર દિલીપ રાણા અને ચીફ એકાઉન્ટન્ટ સંતોષ તિવારીએ નિવૃત્ત કર્મચારીઓ માટે ઘેર બેઠા હયાતીના પુરાવા માટે ઓનલાઇન પદ્ધતિ શરૂ કરી છે.
વડોદરા મહાનગરપાલિકા દ્વારા પેન્શનરો-ફેમિલી પેન્શનરોને નિયમિત પેન્શન મળતું રહે એવા ઇરાદે તેમની હયાતી ની ખાતરી અંગે તંત્ર દ્વારા ઘેર બેઠા સૌપ્રથમ વાર ડિજિટલ લાઈફ સર્ટિફિકેટ (ડીએલસી)ની સુવિધા શરૂ કરવામાં આવી છે. આ અંગેની કાર્યવાહી માટે એન્ડ્રોઇડ મોબાઈલ ફોન જરૂરી છે.
ઉલ્લેખનીય છે કે આવી રીતે ઘરે બેઠા ડિજિટલ લાઈફ સર્ટિફિકેટ પેન્શનરો અને ફેમિલી પેન્શનરો (ગેસ ખાતા સહ) આધારકાર્ડ નો વિકલ્પ પસંદ કરીને આધાર નંબર મોબાઈલ નંબર તેમજ ઈમેલ એડ્રેસ એન્ટર કરી સબમીટ કર્યા બાદ આવેલ otp દાખલ કરીને પુનઃ સબમીટ કરવાનું રહેશે. ત્યારબાદ પોતાનું નામ ફેમિલી પેન્શનના કિસ્સામાં વિકલ્પ પસંદ કરવાનો રહેશે. ઓર્ગેનાઈઝેશન ટાઇપમાં મ્યુનિસિપલ કોર્પોરેશન -લોકલ બોડી તથા સેન્સર ઓથોરિટી ડિસ્ટર્બિંગ એજન્સી અને એજન્સીમાં વડોદરા મ્યુનિસિપલ કોર્પોરેશન સિલેક્ટ કરવું. આ ઉપરાંત પીપીઓ નંબરમાં પેન્શન નંબર એકાઉન્ટ નંબર બેન્ક ઓફ બરોડાનો પેન્શન વિભાગમાં આપેલો નંબર દાખલ કરવાનો રહેશે. તેવી જ રીતે રીએમ્પ્લોઇડ, રી મેરેજ ની વિગત આપવાની રહેશે. આ ઉપરાંત આધાર ઓથોરિટી કેમેરો ઓપન થશે તેમાં ટેન્સનરે પોતાનો ચહેરો કેમેરા સમક્ષ રાખીને સ્કેન કરવો. ત્યારબાદ કન્ફર્મ કરવું. આ મોબાઈલ પર જીવન પ્રમાણ લાઈફ સર્ટિફિકેટ ડીએલસીનો shot લઈ લેવાનો રહેશે. બાદ 24 કલાક પછી મોબાઈલ નંબર પર આ અંગે કન્ફર્મ બાબતનો મેસેજ મળશે.
