Mumbai,તા.૧૬
બોમ્બે હાઇકોર્ટે અભિનેત્રી રાખી સાવંત અને તેના પૂર્વ પતિ આદિલ દુર્રાની દ્વારા એકબીજા સામે દાખલ કરાયેલી ફરિયાદોને ફગાવી દીધી. હકીકતમાં, બંનેએ આ વિવાદનો શાંતિથી ઉકેલ લાવ્યો છે.
સુત્રોના જણાવ્યા અનુસાર, ન્યાયાધીશ રેવતી મોહિતે ડેરે અને સંદેશ પાટીલે કહ્યું, “પરસ્પર સંમતિથી થયેલા સમાધાનને ધ્યાનમાં રાખીને, એફઆઇઆર પેન્ડિંગ રાખવાની કોઈ જરૂર નથી. એફઆઇઆર અને ત્યારબાદની ચાર્જશીટ રદ કરવામાં આવે છે.” કોર્ટે જણાવ્યું હતું કે એફઆઇઆર વૈવાહિક વિવાદોને કારણે દાખલ કરવામાં આવી હતી.
કોર્ટે ચુકાદો આપ્યો ત્યારે રાખી સાવંત અને દુર્રાની બંને કોર્ટમાં હાજર હતા. તેમણે કોર્ટને કહ્યું કે તેમને એફઆઇઆર રદ કરવામાં કોઈ વાંધો નથી. રાખી સાવંતે આદિલ દુર્રાની પર ગુનાહિત ધાકધમકી, ઉત્પીડન અને અકુદરતી સેક્સનો આરોપ લગાવ્યો હતો. આદિલે આરોપ લગાવ્યો હતો કે રાખી સાવંતે અશ્લીલ વીડિયો વાયરલ કરીને તેની છબીને નુકસાન પહોંચાડવાની ધમકી આપી હતી.
રાખી સાવંતે ૨૦૨૨ માં ઇસ્લામિક રિવાજો અનુસાર આદિલ દુર્રાની સાથે લગ્ન કર્યા. જોકે, ફેબ્રુઆરી ૨૦૨૩ માં, દંપતીએ તેમના અલગ થવાની જાહેરાત કરી. ત્યારબાદ, એકબીજા સામે હ્લૈંઇ દાખલ કરવામાં આવી.
