જર્મનીમાં સત્તા પરિવર્તન યુરોપમાં દિક્ષણપંથ અને કંઝર્વેટિવના વધતા પ્રભાવને દર્શાવે છે. સોશ્યલ ડેમોક્રેટિક પાર્ટીના પ્રમુખ ચાન્સેલર ઓલાફ શુલ્ઝની કારમી હાર થઈ છે. ૬૩૦ સદસ્યોની જર્મન સંસદ (બુંડેશ્ટાગ)માં શુલ્ઝની પાર્ટી એસડીપી ૧૨૧ સીટો સાથે ત્રીજા સ્થાન પર છે. યુરોપીય યુનિયનમાં સૌથી મોટા અને શક્તિશાળી દેશ જર્મનીમાં ચાન્સેલર શુલ્ઝનું ગઠબંધન નવેમ્બરમાં તૂટી જવાને કારણે લગભગ સાત મહિના પહેલાં જ ચૂંટણીઓ કરાવાઈ, જેમાં ફ્રેડરિક મર્ત્ઝની પાર્ટી ક્રિશ્ચિયન ડેમોક્રેટિક યુનિયન (સીડીયુ)ના કંઝર્વેટિવ ગઠબંધનને સૌથી વધારે સીટો મળી છે. જોકે ગઠબંધનને બહુમતી નથી મળી. એક્ઝિટ પોલમાં પણ કંઝર્વેટિવ ગઠબંધન સીડીયુ અને સીએસયુની જીતનું અનુમાન લગાવવામાં આવ્યું હતું. બીજા વિશ્વયદ્ઘ બાદ જર્મનીમાં કોઈ ઘોર દિક્ષણપંથી ગઠબંધનની આટલી મોટી જીત થઈ છે. જોકે પહેલાં સીડીયુ પાર્ટીની જ એન્જેલા મર્કેલ ચાન્સેલર રહ્યાં છે. જર્મનીમાં આ પરિવર્તન ચોંકાવનારું છે. યુરોપમાં ઉદાર અને સોશ્યલીસ્ટ પક્ષોનો દબદબો હાલનાં વર્ષોમાં મજબૂત થયો છે, પરંતુ સ્થાનિક સ્તર પર આર્થિક અને સામાજિક મુદ્દાએ કંઝર્વેટિવ વિચારોવાળા પક્ષો માટે જમીન ફળદ્રુપ બનાવી દીધી છે.
અર્થવ્યવસ્થાની સુસ્ત ગતિ, નવા રોજગાર સર્જનમાં સુસ્તી, અપ્રવાસીઓની વધતી હાજરી, સાંસ્કૃતિક અને સામાજિક ડેમોગ્રાફીમાં બદલાવ વગેરે એવી સ્થિતિઓ છે, જેને કારણે કંઝર્વેટિવ પક્ષોને સફળતા મળી રહી છે. અમેરિકામાં પણ અમેરિકી રાષ્ટ્રવાદ અદ્ઘે સંરક્ષણવાદનો નારો લગાવનારા ટ્રમ્પના પક્ષને જ વિજય મળ્યો છે. ટ્રમ્પે જર્મનીમાં સત્તા પરિવર્તન પર ખુશી વ્યક્ત કરી છે અને તેને જર્મન રાષ્ટ્રવાદના ઉદય રૂપે ગણાવ્યું છે. કંઝર્વેટિવ સીડીયુ/સીએસયુ ગઠબંધનની જીત બાદ હવે ફ્રેડરિક મર્ત્ઝ જર્મનીના નવા ચાન્સેલર બની શકે છે. ૬૯ વર્ષીય મર્ત્ઝ પાસે સરકાર ચલાવવાનો કોઈ અનુભવ નથી, પરંતુ તેમણે દેશને બહેતર નેતૃત્વ આપવાનો વાયદો કર્યો છે. ખાસ વાત છે કે બીજી ઘોર દિક્ષણપંથી પાર્ટી એએફડી ૨૦ ટકા મતો મેળવીને બીજા સ્થાને છે. એટલે કે પહેલા અને બીજા સ્થાન પર દિક્ષણપંથી દળો છે. જર્મનીમાં દિક્ષણપંથી ગઠબંધન સત્તામાં આવ્યા બાદ યુરોપીય યુનિયનના કામકાજ પર પણ તેની અસર પડશે. ઇયુમાં જર્મની પ્રમુખ સદસ્ય દેશ છે. ઓલાફ શુલ્ઝની સોશ્યલ ડેમોક્રેટિક પાર્ટીએ બીજા વિશ્વ યુદ્ઘ બાદથી પોતાનું સૌથી ખરાબ પ્રદર્શન કર્યું છે. પાર્ટીને માત્ર ૧૬.૫ ટકા મત મળ્યા છે. ગ્રીન્સ પાર્ટીને ૧૨ ટકા મત મળ્યા છે. જર્મનીમાં ચૂંટણી એવા સમયે થઈ છે જ્યારે યુરોપની સૌથી મોટી અર્થવ્યવસ્થામાં વર્ષોથી ચાલ્યા આવતા અટકાવ, ગેરકાયદે પ્રવાશીઓ પર અંકુશ લગાવવાનું દબાણ તથા યુક્રેનના ભવિષ્ય, યુરોપના અમેરિકા સાથે ગઠબંધનને લઈને વધતી અનિશ્ચિતતા જેવી ચિંતાઓ સામે આવી રહી છે. જર્મનીમાં પણ ગેરકાયદે પ્રવાસી આ ચૂંટણીઓમાં મોટો મુદ્દો રહ્યા. જર્મની અંદર કેટલાય આતંકી હુમલા થયા છે જેને ગેરકાયદે પ્રવાસીઓએ અંજામ આપ્યો છે. યુક્રેન યુદ્ઘ પર અમેરિકાના વ્યવહારે યુરોપને અસમંજસમાં મૂકી દીધું છે. યુક્રેન યદ્ઘમાં અમેરિકાના ટ્રમ્પ પ્રશાસને રશિયાનો પક્ષ લીધો છે, જ્યારે યુરોપ યુક્રેન સાથે છે. જર્મની ૨૭ દેશોવાળા યુરોપીય સંઘમાં સૌથી વધુ આબાદીવાળો દેશ અને નાટોનું મુખ્ય સદસ્ય છે. અમેરિકા બાદ આ યુક્રેનનું બીજું સૌથી મોટું હથિયાર આપૂર્તિકર્તા રહ્યું છે. જર્મનીની આ ચૂંટણીમાં એલન મસ્ક અને રશિયાની દખલ પણ દિલચસ્પ છે.
