New Delhi,તા.૮
દિલ્હી વિધાનસભા ચૂંટણીના પરિણામોમાં આમ આદમી પાર્ટીનો પરાજય થયો છે અને દિલ્હીના લોકો કેજરીવાલની પાર્ટીથી મોહભંગ થઈ રહ્યા હોય તેવું લાગે છે. આવી સ્થિતિમાં કુમાર વિશ્વાસે સોશિયલ મીડિયા પર એક કટાક્ષપૂર્ણ ટિ્વટ કર્યું છે. જેમાં તેમણે વીડિયો સાથે લખ્યું છે કે અહંકાર એ ભગવાનનો ખોરાક છે. પોતાને એટલા શક્તિશાળી ન સમજો કે જેમણે આપણને શક્તિઓ આપી છે તેમને પડકારવાનું શરૂ કરો.
યાદ રાખો કે તમારી સફળતા પાછળ કૃષ્ણ જેવા અસંખ્ય લોકો છે, જેમના મૌન અને અદ્રશ્ય આશીર્વાદને કારણે તમે વિજયના આ રથ પર સવારી કરી શક્યા છો. જ્યારે પણ તમને એવું લાગવા લાગે કે તમે તમારી પોતાની શક્તિના બળ પર આ ઐતિહાસિક સફળતા મેળવી છે, ત્યારે ફક્ત તે લોકો વિશે વિચારો, જેમના સમર્થન વિના તમારી યાત્રા સરળ ન હોત. વાસ્તવમાં, કુમાર વિશ્વાસ અને અરવિંદ કેજરીવાલને જનલોકપાલ આંદોલનમાં સક્રિય કાર્યકરો તરીકે જોવામાં આવતા હતા. બંને નેતાઓએ અણ્ણા હજારેના માર્ગદર્શન હેઠળ રાજકારણની દુનિયામાં પોતાની ઓળખ બનાવી હતી.
આ ચૂંટણીમાં આમ આદમી પાર્ટી બીજા સ્થાને છે. નવી દિલ્હી બેઠક પરથી અરવિંદ કેજરીવાલની જીત થઇ નથી સામાજિક કાર્યકર્તા અણ્ણા હજારેએ કહ્યું કે હું હંમેશા કહેતો આવ્યો છું કે ચૂંટણી લડતી વખતે ઉમેદવારનું આચરણ, વિચારો અને ચારિત્ર્ય શુદ્ધ હોવું જોઈએ. છબી પર કોઈ ડાઘ ન હોવા જોઈએ. પણ, તે આ સમજી શક્યો નહીં. તે દારૂ અને પૈસામાં ફસાઈ ગયો. આનાથી અરવિંદ કેજરીવાલની છબી ખરડાઈ અને તેથી તેમને ચૂંટણીમાં ઓછા મત મળી રહ્યા છે. લોકોએ જોયું કે તે ચારિત્ર્ય વિશે વાત કરે છે પણ દારૂ પીતો હતો. રાજકારણમાં આરોપ-પ્રત્યારોપ થતા રહે છે. કોઈકે તો સાબિત કરવું પડશે કે તે દોષિત નથી. સત્ય સત્ય જ રહેશે. જ્યારે મીટિંગ થઈ, ત્યારે મેં નક્કી કર્યું કે હું પાર્ટીનો ભાગ નહીં રહીશ અને તે દિવસથી હું પાર્ટીથી દૂર છું.
