Washington,તા.29
અમોરિકામાં ટ્રમ્પ-2 શાસનના સૌથી ચર્ચીત ચહેરા બની ગયેલા અને પ્રથમ વખત ડિપાર્ટમેન્ટ ઓફ ગર્વમેન્ટ એફીસીયન્સીના વડા એલન મસ્કે તેમના હોદા પરથી રાજીનામુ આપીને ટ્રમ્પ તંત્રને બાય-બાય કરી દીધુ છે.
મસ્કે તેમના સોશ્યલ મીડીયા પ્લેટફોર્મ પર પ્રમુખ ડોનાલ્ડ ટ્રમ્પનો પદભાર માનતા જાહેર કર્યુ કે, મારા ખાસ સરકારી કર્મચારી તરીકેના શેડયુલનો અંત આવ્યો છે અને સરકારના બિનજરૂરી ખર્ચમાં કાપ મુકવા માટે અને કામ કરવાની તક આપવા બદલ હું પ્રમુખનો આભાર માનુ છું.
ટેસ્લા સહિતની વિશ્વવિખ્યાત કંપનીના સીઈઓ એલન મસ્ક ટ્રમ્પ-2 શાસનના પ્રારંભમાં પ્રમુખ બાદના બીજા નંબરના સૌથી શક્તિશાળી વ્યક્તિ બની ગયા હતા અને તેઓ ટ્રમ્પની દરેક પત્રકાર પરિષદ કે મહત્વની બેઠકોમાં હાજરી આપતા હતા અને ટ્રમ્પના વિદેશી બાબતોના નિર્ણય પર પણ તેઓનો પ્રભાવ હતો.
પ્રમુખ ડોનાલ્ડ ટ્રમ્પ પણ તેમના કામથી પ્રભાવિત હતા પણ જે રીતે તેઓએ સરકારીખર્ચ બચાવવા અનેક વિભાગોમાં મોટાપાયે બજેટ કાપ મુકયા અને છટણીઓ કરી તેનાથી અમેરિકામાં ભારે નારાજગી પણ સર્જાઈ હતી. મસ્કે તેમની પોષ્ટમાં લખ્યું કે એ જે વિભાગ હેન્ડલ કર્યા તે હવે સરકારમાં કામકાજની પદ્ધતિનો કાયમી હિસ્સો જશે.
જો કે અમેરિકી નિષ્ણાંતો માનતા હતા કે વહેલા કે મોડા મસ્કની વિદાય નિશ્ચિત હતી અને ખાસ કરીને પ્રમુખ ડોનાલ્ડ ટ્રમ્પે હાલમાં જ જે બીગ એન્ડ બ્યુટીફુલ બિલ રજુ કરીને અમેરિકામાં તંત્રને દેવું કરવાની સતામાં અસાધારણ વધારો કર્યો તથા અનેક વિભાગોના બજેટ વધાર્યા તેની મસ્કે એક ટેલિવિઝન ચર્ચા સમયે ખુલ્લેઆમ ટિકા કરી હતી.
ટ્રમ્પને પ્રમુખપદે ચુંટાવામાં રૂા.2000 કરોડ રૂપિયા જેવું તોતીંગ 250 મિલિયન ડોલરનું ભંડોળ આપીને તેઓ શાસનમાં પણ સાથે હતા પણ તેમના વધતી દખલગીરીથી ટ્રમ્પ પણ નારાજ હતા અને ખુદ ટ્રમ્પે સંકેત આપી દીધો હતો કે મસ્ક લાંબો સમય કામ કરે તેવુ હું ઈચ્છુ છું પણ તેની પાસે અનેક કંપનીઓજ જવાબદાર છે અને તેથી એક સમય એવો આવશે કે તેણે પદ છોડવું પડશે. જો કે ટ્રમ્પે સંકેત આપી દીધો હતો કે મસ્કની વિદાય બાદ પણ તેમનો વિભાગ ચાલુ જ રહેશે.
મસ્કના આકરા નિર્ણયો અને કંપનીમાં તેમની ગેરહાજરીથી ટેસ્લાના વેચાણ પર પણ અસર પડી હતી અને ટેસ્લાનો વિરોધ પણ થયો હતો. જેના કારણે પણ મસ્કની ઉદ્યોગપતિ તરીકેની પ્રતિષ્ઠાને હાની પહોંચી હતી.
