Rajkot,તા.૧૪
ગુજરાતનો સૌથી લોકપ્રિય અને પ્રસિદ્ધ મેળો, રાજકોટનો લોકમેળો, દર વર્ષે લાખો લોકોનું આકર્ષણ બની રહે છે. આ વર્ષે અંદાજે ૧૫ લાખ લોકો આ મેળાની મજા માણવા રાજ્યના વિવિધ વિસ્તારોમાંથી ઉમટી પડશે. આ ભવ્ય જનમેદનીની સુરક્ષા અને સરળ વ્યવસ્થાપન માટે જિલ્લા પ્રશાસને આધુનિક અને કડક આયોજન હાથ ધર્યું છે. કલેક્ટર ઓમપ્રકાશના જણાવ્યા અનુસાર, મેળા દરમિયાન કોઈ અનિચ્છનીય ઘટના કે દુર્ઘટના ન બને તે માટે વ્યાપક સુરક્ષા વ્યવસ્થા ગોઠવવામાં આવી છે. ખાસ કરીને, નઁ અગ્નિકાંડ જેવી ઘટનાઓનું પુનરાવર્તન ન થાય તે માટે સતત દેખરેખ અને ક્વિક રિસ્પોન્સ મિકેનિઝમ પર ભાર મૂકાયો છે. આ માટે પ્રથમ વખત છૈં આધારિત સર્વેલન્સ સિસ્ટમનો ઉપયોગ કરવામાં આવશે, જે મેળાના દરેક ખૂણે ચોક્કસ નજર રાખશે. આ સિસ્ટમ ભીડની ગીચતા, શંકાસ્પદ હલચલ અને આપત્તિજનક પરિસ્થિતિઓને તાત્કાલિક ઓળખી શકશે.
મેળા વિસ્તારમાં ૫ વોચ ટાવર ઉભા કરવામાં આવ્યા છે, જેમાં દરેક પર ૫ સભ્યોની ક્વિક રિસ્પોન્સ ટીમ તૈનાત રહેશે. આ ટીમમાં જીડ્ઢઇહ્લ, દ્ગડ્ઢઇહ્લ, હેલ્થ ડિપાર્ટમેન્ટના કર્મચારીઓ, ફાયર બ્રિગેડના જવાનો અને પોલીસ સ્ટાફનો સમાવેશ છે. આધુનિક કેમેરા અને કનેક્ટિવિટી સુવિધાઓથી સજ્જ આ ટાવરો મેળાના વિશાળ વિસ્તાર પર ચોક્કસ દેખરેખ રાખશે. કોઈપણ ગડબડ કે ભીડભાડની સ્થિતિની માહિતી તાત્કાલિક કન્ટ્રોલ રૂમ સુધી પહોંચશે, અને સૂચના મળતાં જ ટીમ ઘટના સ્થળે પહોંચી જશે.
મેળા માટે ખાસ ડેડીકેટેડ ઈવેલ્યુએશન પ્લાન તૈયાર કરવામાં આવ્યો છે, જેમાં ઈમર્જન્સી એક્ઝિટ પોઇન્ટ્સ, ફાયર સેફ્ટી ઝોન, પ્રાથમિક સારવાર કેન્દ્રો અને ટ્રાફિક મેનેજમેન્ટની વ્યવસ્થા સામેલ છે. સ્વયંસેવકો અને સુરક્ષા કર્મચારીઓને વિશેષ તાલીમ આપવામાં આવી છે, જેથી તેઓ મુશ્કેલ પરિસ્થિતિમાં અસરકારક રીતે કામ કરી શકે.
જિલ્લા પ્રશાસન દ્વારા લોકોને અપીલ કરવામાં આવી છે કે, મેળાની મજા માણતી વખતે સુરક્ષા નિયમોનું પાલન કરો, ભીડભાડ કે જોખમી પ્રવૃત્તિઓથી દૂર રહો, અને કોઈ શંકાસ્પદ પરિસ્થિતિ જણાય તો તાત્કાલિક વોચ ટાવરના કર્મચારીઓ કે પોલીસને જાણ કરો.
આ વર્ષે રાજકોટ લોકમેળો માત્ર મનોરંજન અને સાંસ્કૃતિક રંગોથી જ નહીં, પણ અદ્યતન સુરક્ષા વ્યવસ્થા અને ઉત્તમ આયોજનના ઉદાહરણ તરીકે પણ યાદગાર બનશે. છૈં ટેકનોલોજી અને ક્વિક રિસ્પોન્સ ટીમના સંયોજનથી આ મેળો સલામત અને આનંદનું સંગમ બની રહેશે.
