Morbi તા 23
મોરબી શહેર અને તાલુકા વિસ્તારમાં જુગારની જુદી જુદી ત્રણ રેડમાં ચાર શખ્સોને પોલીસ દ્વારા પકડી રોકડ રકમ કબ્જે કરવામાં આવી હતી. મોરબીમાં પરશુરામ પોટરીની પાછળના ભાગમાં અવાવરુ જગ્યામાં જુગાર રમતા જયદીપ બેચરભાઈ ચાઉ (36) અને કરણ ઉર્ફે ગટીયો ખંગારભાઇ મકવાણા (29) રહે. બંને સોઓરડી વરિયા મંદિર પાસે મોરબી જુગાર રમતા મળી આવ્યા હતા જેથી પોલીસે 16,100 ની રોકડ સાથે તેની ધરપકડ કરી હતી અને બી ડિવિઝન પોલીસ સ્ટેશન ખાતે ગુનો નોંધાયો છે.
જ્યારે ભડિયાદ ગામની સીમમાં રામાપીરના ઢોરા પાસે કુલદીપસિંગ ધવલસિંગ ખીચી (22) રહે. રણછોડનગર વરલી જુગારના આંકડા લેતા મળી આવ્યો હોય પોલીસે 540 ની રોકડ સાથે તેની ધરપકડ કરી હતી. આવી જ રીતે રંગપર બેલા ગામના સ્મશાન પાસે વિશાલ રાજેશભાઈ સુરેલા (23) રહે. ત્રાજપર આંકડા લેતા મળી આવ્યો હોય પોલીસે 480 રૂપિયાની રોકડ સાથે તેની ધરપકડ કરી હતી.
મોરબી તાલુકાના જૂના મોડપર ગામના સ્મશાન પાસે વોકળામાંથી 1,000 લિટર આથો તથા તૈયાર 40 લિટર દેશી દારૂ તેમજ ગેસનો ચૂલો, ગેસનો બાટલો વગેરે મળી આવ્યું હતુ જેથી પોલીસે 29,750 ની કિંમતના મુદ્દામાલ સાથે આરોપી અક્ષય વિનુભાઈ સોલંકી (28) રહે. મોડપરનીની ધરપકડ કરી હતી.
