Mumbai,તા.04
મુંબઈ ઝવેરી બજારમાં આજે નવરાત્રીના આરંભ વચ્ચે સોના-ચાંદીના ભાવમાં વધ્યા મથાલેથી પીછેહટ દેખાઈ હતી. વિશ્વ બજારના સમાચાર કિંમતી ધાતુઓમાં ઉછાળે ફંડોની વેચવાલી બતાવતા હતા. વિશ્વ બજારમાં ડોલરનો ગ્લોબલ ઈન્ડેક્સ તથા બોન્ડ યીલ્ડ વધતાં વૈશ્વિક સોનામાં પીછેહટ દેખાઈ હતી. વિશ્વ બજારમાં આજે સોનાના ભાવ ઔંશના ૨૬૫૧થી ૨૬૫૨ વાળા ઉંચામાં રૂ.૨૬૬૩ થયા પછી નીચામાં ભાવ ૨૬૪૧થઈ ૨૬૪૫થી ૨૬૪૬ ડોલર રહ્યા હતા.
સોના પાછળ વૈશ્વિક ચાંદીના ભાવ પણ ઔંશના ૩૧.૪૭થી ૩૧.૪૮ વાળા ઉંચામાં ૩૨ ડોલર પાર કરી ગયા પછી ૩૨.૩૦ થયા પછી ભાવ ફરી ગબડી નીચામાં ભાવ ૩૧.૪૧ થઈ ૩૧.૫૦થી ૩૧.૫૧ ડોલર રહ્યાના નિર્દેશો મળ્યા હતા. દરમિયાન, ઘરઆંગણે અમદાવાદ ચાંદીના ભાવ કિલોના રૂ.૯૧ હજાર તથા અમદાવાદ સોનાના ભાવ ૧૦ ગ્રામદીઠ ૯૯.૫૦ના રૂ.૭૮૦૦૦ તથા ૯૯.૯૦ના રૂ.૭૮૨૦૦ રહ્યા હતા.
મુંબઈ બુલીયન બજારમાં સોનાના ભાવ જીએસટી વગર ૯૯.૫૦ના રૂ.૭૫૫૦૦ વાળા રૂ.૭૫૩૧૨ જ્યારે ૯૯.૯૦ના રૂ.૭૫૮૦૦ વાળા રૂ.૭૫૬૧૫ રહ્યા હતા. જ્યારે મુંબઈ ચાંદીના ભાવ જીએસટી વગર રૂ.૯૦૭૦૦ વાળા રૂ.૯૦૯૦૦ થઈ રૂ.૯૦૬૭૧ રહ્યા હતા.
મુંબઈ સોના-ચાંદીમાં જીએસટી સાથેના ભાવ આ ભાવથી ૩ ટકા ઉંચા રહ્યા હતા. દરમિયાન વિશ્વ બજારમાં કોપરના ભાવ આજે ૨.૩૪ ટક ા તૂટયા હતા. પ્લેટીનમના ભાવ ઔંશના ૯૯૯ વાળા નીચામાં ૯૮૨ થઈ ૯૮૪ ડોલર રહ્યા હતા. જ્યારે પેલેડીયમના ભાવ૧૦૧૪ વાળા નીચામાં ૯૮૭ થઈ ૯૯૨ ડોલર રહ્યા હતા.ક્રૂડતેલના ભાવમાં ઉંચા મથાળે બેતરફી વધઘટ દેખાઈ હતી. બ્રેન્ટ ક્રૂડના ભાવ બેરલદીઠ ૭૫.૯૨ વાળા નીચામાં ૭૪.૩૧ થઈ ૭૫.૬૦ થઈ ૭૫.૨૯ ડોલર રહ્યા હતા. યુએસ ક્રૂડના ભાવ નીચામાં ૭૦.૫૨ તથા ઉંચામાં ૭૧.૮૬ થઈ ૭૧.૫૭ ડોલર રહ્યા હતા. દરમિયાન, અંમેરિકામાં બેરોજગારીના દાવા જોબલેસ કલેઈમ્સ ૬૦૦૦ વધી ૨ લાખ ૨૫ હજાર આવતાં ત્યાં જોબ માર્કેટમાં ફરી નબળાઈ જોવા મળ્યાના સમાચાર મળ્યા હતા.
