Mumbai,તા.24
મુંબઇ ઝવેરી બજારમાં આજે સોના- ચાંદીના ભાવમાં ઘટાડો આગળ વધ્યો હતો. નવી માગ ધીમી હતી. વિશ્વ બજારના સમાચાર જો કે બે તરફી ઉછળકૂદ ભાવમાં બતાવી રહ્યા હતા. વિશ્વ બજારમાં ભાવ ગબડયા પછી ઝડપથી બાઉન્સ બેક થયાના નિર્દેશો હતા. વિશ્વ બજારમાં સોનાના ભાવ ઔંશ દીઠ ૨૫૦૩થી ૨૫૦૪ વાળા એક તબક્કે ગબડી નીચામાં ભાવ ૨૪૮૪ થઇ ગયા પછી ભાવ ફરી ઉછળી ૨૫૦૧થી ૨૫૦૨ ડોલર રહ્યાના નિર્દોશો હતા.
સોના પાચળ વૈશ્વિક ચાંદીના એક ઔંશના ૨૯.૬૫થી ૨૯.૬૬ વાળા નીચામાં ૨૮.૯૪ થયા પછી ઉંચામાં ભાવ ૨૯.૪૮ થઇ ૨૯.૪૨થી ૨૯.૪૩ ડોલર રહ્યા હતા. વિશ્વ બજારમાં ડોલર ઇન્ડેક્સ તથા બોન્ડ યીલ્ડમાં પીછેહઠના પગલે વૈશ્વિક સોનામાં ઘટાડે ફંડોનું બાઇંગ ફરી વધ્યાના વાવડ મળ્યા હતા.
દરમિયાન, અમદાવાદ ઝવેરી બજારમાં આજે ચાંદીના ભાવ કિલોદીઠ રૂા. ૫૦૦ ઘટી રૂા. ૮૪૦૦૦ રહ્યા હતા જ્યારે અણદાવાદ સોનાના ભાવ ૧૦ ગ્રામના ૯૯.૫૦ના રૂા. ૭૩૮૦૦ તથા ૯૯.૯૦ના રૂા. ૭૪૦૦૦ રહ્યા હતા. મુંબઇ બુલીયન બજારમાં સોનાના ભાવ જીએસટી વગર ૯૯.૫૦ના રૂા. ૭૧૩૧૨ વાળા રૂા. ૭૧૦૩૯ ખુલી રૂા. ૭૧૧૩૮ બંધ રહ્યા હતા જ્યારે ૯૯.૫૦ના ભાવ રૂા. ૭૧૫૯૯ વાળા રૂા. ૭૧૩૨૫ થઇ રૂા. ૭૧૪૨૪ રહ્યા હતા. મુંબઇ ચાંદીના ભાવ જીએસટી વગર રૂા. ૮૪૮૨૦ વાળા રૂા. ૮૪૦૭૨ થઇ રૂા. ૮૪૬૧૫ રહ્યા હતા. મુંબઇ સોના- ચાંદીમાં જીએસટી સાથેના ભાવ આ ભાવથી ત્રણ ટકા ઉંચા રહ્યા હતા.
દરમિયાન, અમેરિકામાં બેરોજગારીના દાવા વધ્યાના સમાચાર હતા. વિશ્વ બજારમાં ક્રૂડ તેલના ભાવ આંચકા પચાવી ફરી ઉંચકાતાં તેની અસર વૈશ્વિક સોનાના ભાવ પર પોઝીટીવ દેખાઇ હતી. વિશ્વ બજારમાં બ્રેન્ટ ક્રૂડ તેલના ભાવ બેરલના ૭૬.૩૩ વાળા આજે વધી ૭૮.૬૫ થઇ ૭૮.૩૯ ડોલર રહ્યા હતા જ્યારે યુએસ ક્રૂડના ભાવ ૭૨.૧૪ વાળા વધી ૭૪.૫૨ થઇ ૭૪.૩૬ ડોલર રહ્યા હતા.વિશ્વ બજારમાં આજે પ્લેટીનમના ભાવ ઔંશના ૯૫૭થી ૯૫૮ વાળા નીચામાં ૯૪૬ થઇ ૯૪૭થી ૯૪૮ ડોલર રહ્યા હતા. પેલેડીયમના ભાવ ૯૪૩થી ૯૪૪ વાળા ૯૩૦ થઇ ૯૩૭થી ૯૩૮ ડોલર રહ્યા હતા. વૈશ્વિક કોપરના ભાવ આજે ૦.૫૯ ટકા પ્લસમાં રહ્યા હતા.
