Lucknow,તા.૧૭
સપા પ્રમુખ અખિલેશ યાદવે કહ્યું કે ભાજપમાં ખુરશીની લડાઈ ચાલી રહી છે જેના કારણે શાસન અને પ્રશાસન બેક બર્નર પર આવી ગયું છે. ભાજપમાં જનતા માટે વિચારનાર કોઈ નથી. ભાંગફોડની રાજનીતિનું જે કામ ભાજપ પહેલા અન્ય પક્ષોમાં કરતી હતી, હવે તે જ કામ પોતાની પાર્ટીમાં કરી રહી છે, જેના કારણે ભાજપ આંતરિક વિખવાદની દલદલમાં ધકેલાઈ રહ્યું છે.
આપને જણાવી દઈએ કે ભાજપ વર્કિંગ કમિટીની બેઠકમાં નાયબ મુખ્યમંત્રી કેશવ પ્રસાદ મૌર્યએ નિવેદન આપ્યું હતું કે સરકાર કરતા પણ મોટું સંગઠન છે. જેને લઈને પાર્ટીમાં રાજકીય ગરમાવો ફાટી નીકળ્યો હતો. કેશવ મૌર્ય એક મહિનામાં રાજ્યમાં કેબિનેટ અને અન્ય બેઠકોમાં હાજર રહ્યા ન હતા. પાર્ટીના રાષ્ટ્રીય અધ્યક્ષ જેપી નડ્ડાએ પણ નાયબ મુખ્યમંત્રી કેશવ પ્રસાદ મૌર્ય અને પ્રદેશ અધ્યક્ષ ભૂપેન્દ્ર ચૌધરીને મંગળવારે દિલ્હી બોલાવ્યા અને તેમની સાથે વાત કરી. આનાથી સરકાર અને સંગઠન વચ્ચેની અણબનાવ છતી થઈ.
