સરકાર દ્વારા એન્ડ્રોઇડ યૂઝર્સને ચેતવણી આપવામાં આવી છે. ધ ઇન્ડિયન કમ્પ્યુટર ઇમરજન્સી રિસ્પોન્સ ટીમ (CERT-In) દ્વારા યૂઝર્સને જણાવવામાં આવ્યું છે કે તેમના મોબાઇલમાં ઘણા સિક્યુરિટી પ્રોબ્લેમ્સ છે જે તેમને નુકસાન કરી શકે છે. એન્ડ્રોઇડમાં જેટલા પ્રોબ્લેમ્સ છે, એમાંથી CERT-In દ્વારા કેટલાકની એડ્વાઇઝરીમાં વિગતવાર માહિતી આપવામાં આવી છે.
શું આપી છે ચેતવણી?
CERT-In તેની એડ્વાઇઝરીમાં જણાવ્યું છે કે એન્ડ્રોઇડ યૂઝર્સ પર હાઇ-રિસ્ક છે. તેમની ડિવાઇસમાં ઘણા પ્રોબ્લેમ્સ છે અને આ કારણે હેકર્સને ડિવાઇસની એક્સેસ કરવાની સાથે તમામ ડેટા પણ મળી શકે છે. આ સાથે જ યૂઝરને મોબાઇલનો ઉપયોગ કરતાં પણ અટકાવી શકે છે.
ડિવાઇસ અને ઓપરેટિંગ સિસ્ટમમાં છે પ્રોબ્લેમ્સ
એન્ડ્રોઇડ વર્ઝન 12, 12L, 13, 14 અને 15નો ઉપયોગ જે ડિવાઇસમાં થઈ રહ્યો છે, તે તમામમાં પ્રોબ્લેમ્સ છે. સ્માર્ટફોન, ટેબ્લેટ, સ્માર્ટવોચ અને સ્માર્ટટીવી જેવી તમામ ડિવાઇસોમાં એન્ડ્રોઇડના આ વર્ઝનનો ઉપયોગ કરવામાં આવે છે તેમાં હાઇ રિસ્ક છે.
સિક્યોરિટી રિસ્કનું કારણ
CERT-Inના જણાવ્યા મુજબ, એન્ડ્રોઇડ ડિવાઇસ રિસ્કમાં હોવાના કારણ તેના પાર્ટ્સ છે. આ પાર્ટ્સમાં નીચેનાનો સમાવેશ થાય છે:
• ફ્રેમવર્ક
• પ્લેટફોર્મ
• સિસ્ટમ
• કોન્સ્ક્રિપ્ટ કોમ્પોનેન્ટ
• કર્નેલ
• આર્મ કોમ્પોનેન્ટ્સ
• ઇમેજિનેશન ટેક્નોલોજીસ
• મિડિયાટેક કોમ્પોએન્ટ્સ
• યુનિસોક કોમ્પોનેન્ટ્સ
• ક્વાલકોમ કોમ્પોનેન્ટ્સ
કઇ રીતે પોતાને પ્રોટેકટ કરશો?
CERT-In દ્વારા કહેવામાં આવ્યું છે કે યૂઝર દ્વારા સૌથી પહેલાં મોબાઇલની અપડેટ લોન્ચ કરવામાં આવી હોય તો તેને અપડેટ કરવી. લેટેસ્ટ સિક્યોરિટી પેચને એન્ડ્રોઇડ બુલેટિન (https://source.android.com/docs/security/bulletin/2025-02-01) પરથી ડાઉનલોડ કરી શકાય છે. આ સાથે જ યૂઝરે રેગ્યુલર ઓપરેટિંગ સિસ્ટમ અને એપ્લિકેશન્સ અપડેટ કરતી રહેવું જોઈએ. વિશ્વાસપાત્ર એપ્લિકેશન્સ જ ઇન્સ્ટોલ કરવી. તે ઉપરાંત શંકાસ્પદ સોર્સથી દૂર રહેવું. ગૂગલ પ્લે પ્રોટેકટ સર્વિસને હંમેશાં ચાલું રાખવી અને તેને અપડેટ કરતાં રહેવું. સ્કેમર્સ દ્વારા ફિશિંગ કરવાની કોશિશ કરવામાં આવે છે તેનાથી બચવું.
