Ahmedabad, તા.17
ગુજરાતના રસ્તા જીવલેણ બન્યા છે. છેલ્લા 24 કલાકમાં ગુજરાતના અનેક શહેરોમાં ઢગલાબંધ અકસ્માતો સર્જાયા છે. જેમાં 8 લોકોનાં ભોગ લેવાયા છે. જેમાં મળતી માહિતી મુજબ સુરતના ડાયમંડ બુર્સ પાસે કાર ઓવર સ્પીડ હોવાના કારણે અકસ્માત સર્જાયો હતો.
અકસ્માતમાં 16 વર્ષીય કિશોરીનું મોત નિપજ્યું છે. અન્ય 3 ઈજાગ્રસ્તોને સારવાર માટે લઈ જવાયા છે. જેને પગલે અલથાન પોલીસે વધુ તપાસ હાથ ધરી છે. તો બીજી તરફ, ભાવનગરના સિહોર તાલુકાના વળાવડ નજીક કાર અને બાઈક વચ્ચે અકસ્માત સર્જાયો હતો. પૂરઝડપે આવી રહેલી કારના ચાલકે બાઈકને અડફેટે લીધી હતી. જેમાં બાઈકને અડફેટે લીધા બાત કાર પર દૂકાનમાં ઘૂસી ગઈ હતી. બાઈકમાં સવાર બાળકીનું મોત થયું હતું.
ગુજરાતમાં ફરી એકવાર રોડ પર રફ્તાર થી ચાલતી ગાડીઓ લોકો માટે જીવલેણ બની છે. સુરત રાજકોટ ભાવનગર, ખેડા સહિતના જિલ્લાઓમાં અકસ્માત સર્જાયા હતા. છેલ્લા 24 કલાકમાં 5 અકસ્માત મા 8 લોકના મોત થયા છે. ભાવનગર શહેરના સિદસર રોડ લીલા સર્કલ નજીક અકસ્માત સર્જાયો હતો. લીલા સર્કલ નજીક બે એક્ટિવા સવારને અડફેટે લીધા હતા.
આ અક્સ્પાત થયા બાદ કાર મૂકી ચાલક ફરાર થયો હતો. અકસ્માતના પગલે લોકોના ટોળા એકત્ર થયા હતા. મહેસાણા-અમદાવાદ હાઈવે પર ભાસરિયા નજીક ગમખ્વાર અકસ્માત સર્જાયો હતો. કાર ઝાડ સાથે અથડાઈ ખાડામાં ખાબકી હતી. કારને અકસ્માતના પગલે 2 લોકોના મોત નિપજ્યા. જ્યારે 2 લોકો ઈજાગ્રસ્ત થયા.
ખેડામાં ગમખ્વાર અકસ્માતની ઘટના સામે આવી છે. જેમાં કઠલાલ પાસેથી અમદાવાદ-ઈન્દોરને જોડતા હાઈવે પર ગતરોજ મોડીરાત્રે ઈકો કાર અને ગાય વચ્ચે અકસ્માત સર્જાયો હતો.
જેથી ઈકો કાર ચાલકે કારના સ્ટિયરિંગ પરથી કાબુ ગુમાવતા આ કાર હાઈવેના ડિવાઈડર પર ચઢી ગઈ હતી અને ત્યારબાદ લાઈટના લોખંડના પોલ સાથે અથડાઈ હતી.આ અકસ્માતમાં કારમાં સવાર પાંચ લોકોમાંથી ચાર લોકોનાં ઘટનાસ્થળે જ મોત નિપજ્યાં હતાં. ઘટનાને પગલે કઠલાલ પોલીસે ઘટનાસ્થળે પહોંચી વધુ તપાસ હાથ ધરી છે.
