અરજીમાં વહેલી સુનાવણીની માગ : કોર્ટે નવી સરકારના શપથ ગ્રહણ પર સ્ટે આપવાનો ઈનકાર કરી દીધો હતો
New Delhi,તા.૧૭
હરિયાણામાં નાયબ સૈનીના નેતૃત્વમાં નવી સરકારની રચના કરવામાં આવી છે. આ ઉપરાંત તાજેતરમાં પૂર્ણ થયેલી હરિયાણા વિધાનસભાની ૨૦ બેઠકો પર ફરીથી ચૂંટણી કરાવવાની માગણી કરતી અરજી સુપ્રીમ કોર્ટમાં દાખલ કરવામાં આવી છે. પક્ષકારે કોર્ટમાં અરજી દાખલ કરીને વહેલી તકે સુનાવણીની માંગ કરી હતી.
જોકે. કોર્ટે તેમની અરજી પર જલ્દી સુનાવણી કરવાની ખાતરી આપી નથી. અરજીમાં ભાજપના મુખ્યમંત્રી નાયબ સૈનીના મુખ્યમંત્રી તરીકેના શપથ ગ્રહણ પર પ્રતિબંધ મૂકવાની માંગ કરવામાં આવી હતી.
સુપ્રીમ કોર્ટે અરજીકર્તાને કહ્યું કે તમે ઈચ્છો છો કે અમે હરિયાણાની ચૂંટાયેલી સરકારના શપથગ્રહણ પર પ્રતિબંધ લગાવીએ. કોર્ટે નવી સરકારના શપથ ગ્રહણ પર સ્ટે આપવાનો ઈનકાર કરી દીધો છે. અરજદારે પોતાની અરજીમાં શપથગ્રહણ પર પ્રતિબંધ મૂકવાની પણ માંગ કરી હતી.
અરજીમાં ૨૦ બેઠકો પર ઈવીએમમાં ??ખામી સર્જાવાની શક્યતા વ્યક્ત કરવામાં આવી છે. અરજીમાં કહેવામાં આવ્યું છે કે આ વિધાનસભા સીટો પર ઈવીએમની બેટરી ૯૯% સુધી ચાર્જ થઈ હતી, જ્યારે અન્ય જગ્યાઓ પર બેટરી ૬૦-૭૦% સુધી ચાર્જ થઈ હતી. અરજીમાં ચૂંટણી પંચને ૨૦ વિધાનસભા બેઠકો પર ફરીથી ચૂંટણી કરાવવાનો નિર્દેશ આપવાની માંગ૫ કરવામાં આવી છે. આ ઉપરાંત, ઈફસ્ સ્ટોર કરવા માટે પણ સૂચનાઓ માંગવામાં આવી છે.
તે જ સમયે, હરિયાણા વિધાનસભા ચૂંટણીના પરિણામો જાહેર થયા પછી, કોંગ્રેસના વરિષ્ઠ નેતાઓનું એક પ્રતિનિધિમંડળ દિલ્હીમાં ચૂંટણી પંચના અધિકારીઓને મળ્યું હતું અને ચૂંટણી પરિણામો સામે વાંધો ઉઠાવ્યો હતો. કોંગ્રેસના પ્રતિનિધિમંડળમાં કેસી વેણુગોપાલ, જયરામ રમેશ, પવન ખેડા અને અજય માકન જેવા વરિષ્ઠ નેતાઓ સામેલ હતા.
હરિયાણા વિધાનસભા ચૂંટણીમાં ભાજપે ૯૦માંથી ૪૮ સીટો પર જંગી બહુમતી મેળવી છે. તે જ સમયે, દસ વર્ષથી સત્તામાં રહેલા ભાજપ સામે સત્તા વિરોધી લહેરનો લાભ લેવામાં નિષ્ફળ ગયેલી કોંગ્રેસ ૩૭ બેઠકો જીતવામાં સફળ રહી છે. આ સિવાયને ૨ બેઠકો મળી છે. ઉપરાંત અપક્ષ ઉમેદવારોનો પણ વિજય થયો છે. જોકે તેમણે હાઈકમાન્ડને મળ્યા બાદ ભાજપને સમર્થન જાહેર કર્યું છે.
