Surendranagar,તા.07
ધોળકા તાલુકાના ગ્રામ્ય વિસ્તારોમાં આજે બપોર પછી અચાનક વાદળછાયા વાતાવરણ બાદ ધોધમાર વરસાદ નોંધાયો છે. ત્રણ દિવસના વિરામ બાદ આવેલા આ વરસાદે સમગ્ર પંથકમાં ખુશીનું વાતાવરણ સર્જ્યું છે. આજે થયેલા વરસાદે ડાંગરને મક્કમ આધાર આપ્યો છે અને ખેડૂતો માટે તે સંજીવની સમાન સાબિત થયો છે.
ધોળકા તાલુકાના ગ્રામ્ય વિસ્તારોમાં વરસાદે વિરામ લીધા બાદ આજે બપોર પછી અચાનક વાદળ છવાઈ ગયા બાદ ધોધમાર વરસાદ વરસ્યો હતો. ત્રણ દિવસ બાદ આવેલા વરસાદથી સમગ્ર પંથકમાં ખુશીની લહેર દોડી ગઈ છે. ગ્રામ્ય વિસ્તારોમાં હાલ ડાંગરની રોપણી કાર્ય ચાલી રહ્યું છે. ખેડૂતોએ ખેતરમાં કામ શરૂ કર્યું હોય તેમ છતાં પૂરતું ભેજ ન હોવાને કારણે ચિંતામાં મુકાયા હતા. પરંતુ આજે થયેલા વરસાદે ડાંગરને મક્કમ આધાર આપ્યો છે અને ખેડૂતો માટે તે સંજીવની સમાન સાબિત થયો છે.
અંચળાના અનેક ગામોમાં શેરીઓમાં પાણી ભરાઈ ગયા હતા અને અનેક જગ્યાએ નદી વહેતી હોય તેવા દ્રશ્યો જોવા મળ્યા હતા. ખાસ કરીને ખેતરો તરફ જતા રસ્તાઓ પર પાણીનું વહેન ભારે પ્રમાણમાં જોવા મળ્યું હતું. ગામણાં લોકોએ જણાવ્યું હતું કે, ”આવો વરસાદ ડાંગર માટે બહુ જ ફાયદાકારક છે. હવે વાવેતર સારી રીતે આગળ વધી શકે છે.”
હવામાન વિભાગે પણ આગામી દિવસોમાં હળવાથી મધ્યમ વરસાદી આગાહી કરી છે, જેને લઈને ખેડૂતોમાં ઉમંગ વધ્યો છે. આ વરસાદ ખેડૂતો માટે આશાની કિરણ લઈને આવ્યો છે અને નવા ઉપજના સપનાઓને પાંખ આપી છે.
