અમરેલીના અનેક ગામડાઓ, રાજકોટ ગઢડા, જામકંડોરણા અને જેતપુર સહિત અનેક વિસ્તારોમાં વરસાદ વરસી રહ્યો છે
Rajkot,તા.૨૦
ભરઉનાળે વરસાદી માહોલ જામ્યો છે. હવામાન વિભાગે આગામી ૭ દિવસ વરસાદની આગાહી કરી છે ત્યારે હવે રાજ્યના અનેક શહેરોમાં વરસાદ વરસી રહ્યો છે. અમરેલીના અનેક ગામડાઓ, રાજકોટ ગઢડા, જામકંડોરણા અને જેતપુર સહિત અનેક વિસ્તારોમાં વરસાદ વરસી રહ્યો છે. તેથી અસહ્ય ગરમી બાદ હવે વાતાવરણમાં ઠંડી પ્રસરતા લોકોને ગરમીમાંથી રાહત મળી છે.
રાજકોટ જિલ્લાનાં જામકંડોરણા પંથકમાં ધોધમાર વરસાદ જોવા મળી રહ્યો છે. જામકંડોરણા પંથકમાં હવામાન વિભાગની આગાહી પગલે જામકંડોરણા પંથકમાં અચાનક વાતાવરણમાં પલટો જોવા મળ્યો હતો. વીજળીના કડાકાભડાકા સાથે ધોધમાર કમોસમી વરસાદ પડ્યો હતો તેથી જામકંડોરણાનાં રસ્તા પાણી પાણી થઈ ગયાં હતા.-ગ્રામ્ય પંથકમાં કમોસમી વરસાદ જોવા મળી રહ્યો છે ભરઉનાળે વરસાદ ખાબતા જગતનો તાત ચિંતામાં મુકાયો છે. મેવાસા, ખીરસરા, વીરપુર પંથકમાં વરસાદ થયો છે. અસહ્ય બફારા બાદ ધોધમાર વરસાદ ખાબક્યો છે.જેતપુર શહેર અને ગ્રામ્ય પંથકમાં કમોસમી માવઠું આવ્યું છે. મેવાસા, ખીરસરા, વીરપુર સહિતના ગામોમાં વરસાદ જોવા મળી રહ્યો છે. ભારે પવન સાથે કમોસમી વરસાદ થતાં ખેડૂતો ચિંતામાં મુકાયા છે. સવારથી અસહ્ય બાફરા બાદ ધોધમાર વરસાદ થયો છે. વરસાદ શરૂ થતાં લોકોને ગરમી માંથી આંશિક રાહત મળીછે. ગઢડા તાલુકાના ગ્રામ્ય પંથકમાં ઢસા, પાટણા, પીપરડી, રસનાલમાં વરસાદ પડ્યો છે.
ગઢડા તાલુકાના ગ્રામ્ય પંથકમાં વરસાદી માહોલ છવાયો છે. તાલુકાના ઢસાગામે શરૂ વરસાદ જોવા મળ્યો છે. બપોર બાદ સાંજના સમયે શરૂ વરસાદ થયોહતો. ઢસા, પાટણા, પીપરડી, રસનાલ, સીતાપર સહિતના ગ્રામ્ય પંથકમાં વરસાદ શરૂ છે.
