New Delhi,તા.25
હોન્ડા મોટરસાઇકલ અને સ્કૂટર ઇન્ડિયા ભારતીય બજાર માટે તેના ટુ-વ્હીલર લાઇનઅપને અપડેટ કરી રહી છે. Activa 125, SP125, SP160, Livo, Unicorn અને Shine 125 ને અપડેટ કર્યા પછી, કંપનીએ આજે (17 માર્ચ) Shine 100 નું અપડેટેડ વર્ઝન લોન્ચ કર્યું છે.
કંપનીએ 100cc કોમ્યુટર મોટરસાઇકલના એન્જિનમાં OBD2B એમિશન(ઉત્સર્જન) નોર્મસ અનુસાર ફેરફારો કર્યા છે. આ બાઇક હવે નવા ગ્રાફિક્સ સાથે આવે છે અને તેમાં કમ્બાઇન્ડ બ્રેકિંગ સિસ્ટમ જેવી સુવિધાઓ આપવામાં આવી છે. આ બાઇક E-20 પેટ્રોલ પર પણ ચાલશે.
આ બાઇક કંપનીની લોકપ્રિય હોન્ડા શાઇન 125ccનું નાનું વર્ઝન છે. તેની પ્રારંભિક કિંમત 68,767 રૂપિયા (એક્સ-શોરૂમ, દિલ્હી) રાખવામાં આવી છે, જે વર્તમાન મોડેલ કરતા 1867 રૂપિયા વધુ છે. આ બાઇક દેશમાં સૌથી વધુ વેચાતી હીરો સ્પ્લેન્ડર, એચએફ ડિલક્સ અને બજાજ પ્લેટીનાને સ્પર્ધા આપે છે. નવી હોન્ડા શાઇન માટે બુકિંગ શરૂ થઈ ગયું છે.
કંપનીએ તેને એક જ વેરિઅન્ટ અને 5 કલર ઓપ્શનમાં રજૂ કર્યું છે: બ્લેક-રેડ, બ્લેક-બ્લૂ, બ્લેક – ઓરેન્જ, બ્લેક-ગ્રે અને બ્લેક-ગ્રીન. OBD-2B અપડેટ સાથે આ બાઇક હવે નવા ઉત્સર્જન ધોરણોનું પાલન કરે છે અને વધુ ઇકો ફ્રેન્ડલી પ્રોડક્ટ બની ગઈ છે. આ મોટરસાઇકલ 98.98cc સિંગલ-સિલિન્ડર, એર-કૂલ્ડ, ફ્યુઅલ-ઇન્જેક્ટેડ એન્જિન દ્વારા સંચાલિત છે જે 7500rpm પર 7.38kW પાવર અને 5000rpm પર 8.04Nm ટોર્ક ઉત્પન્ન કરે છે. આ રાઈડરને સરળ અને આરામદાયક સવારી આપે છે. ટ્રાન્સમિશન માટે, એન્જિન 4-સ્પીડ ગિયરબોક્સ સાથે ટ્યુન થયેલ છે.
કંપનીનો દાવો છે કે નવું ફ્યુઅલ-ઇન્જેક્ટેડ 100cc એન્જિન વધુ સારી માઇલેજ આપવા સક્ષમ છે. રિપેરિંગ કાર્યને સરળ બનાવવા માટે, તેમાં એન્જિનની બહાર એક ફ્યુઅલ પંપ અપાયો છે. તેમાં સોલેનોઇડ સ્ટાર્ટર પણ છે જે કોઈપણ તાપમાનમાં બાઇક શરૂ કરવામાં મદદ કરે છે. નવી શાઇન E20 ફ્યૂઅલ પર પણ ચાલી શકશે.આરામદાયક સવારી માટે, નવી હોન્ડા મોટરસાઇકલ, પહેલાની જેમ, આગળના ભાગમાં ટેલિસ્કોપિક ફોર્ક અને પાછળના ભાગમાં ટ્વીન શોક ઓબ્જર્વર સસ્પેન્શન સાથે આપવામાં આવી છે. તેમાં સવારી માટે 17-ઇંચના એલોય વ્હીલ્સ છે. બ્રેકિંગ માટે, બાઇકમાં કમ્બાઇન્ડ બ્રેકિંગ સિસ્ટમ (CBS) સિસ્ટમ છે જેમાં આગળના ભાગમાં 130mm ડ્રમ બ્રેક અને પાછળના ભાગમાં 110mm ડ્રમ બ્રેક છે. શાઇન 100 ની સીટની ઊંચાઈ 786mm, ગ્રાઉન્ડ ક્લિયરન્સ 168mm અને વજન 99 કિલો છે.ફીચર લિસ્ટ વિશે વાત કરીએ તો, તેમાં એનાલોગ ઇન્સ્ટ્રુમેન્ટ કન્સોલ છે, જે સ્પીડોમીટર, ઓડોમીટર અને ફ્યુઅલ ગેજ જેવી માહિતી પ્રદાન કરે છે. સારી સલામતી માટે બાઇકમાં સાઇડ-સ્ટેન્ડ એન્જિન કટ-ઓફ ફીચર પણ છે.હોન્ડા શાઇન 100 હીરો મોટોકોર્પ બાઇક્સ સાથે સ્પર્ધા કરશે. હીરો પાસે આ સેગમેન્ટમાં 4 પ્રોડક્ટ્સ છે. HF100, HF ડિલક્સ, સ્પ્લેન્ડર+ અને સ્પ્લેન્ડર+ XTEC. તેમની કિંમત લગભગ રૂ. 54,962 થી રૂ. 75,840 ની વચ્ચે છે. આ સેગમેન્ટમાં બજાજ પાસે ફક્ત પ્લેટિનમ 100 છે, જેની કિંમત 67,475 રૂપિયા છે. 64,900 રૂપિયાની શરૂઆતની કિંમત સાથે, હોન્ડા શાઇન 100 ભારતમાં 100 સીસી સ્પેસમાં બરાબર મધ્યમાં આવે છે.
