Jamnagarતા ૧૭
જામનગરમાં ગોકુલ નગર નજીક સીતારામ સોસાયટી શેરી નંબર-૧ માં એક રહેણાક મકાનમાં ઇંગલિશ દારૂની બાટલીનો મોટો જથ્થો ઉતારવામાં આવ્યો છે, તેવી ચોક્કસ બાતમીના આધારે એલસીબી ની ટુકડીએ દરોડો પડ્યો હતો, અને ૩૦૦ નંગ ઇંગ્લિશ દારૂની બાટલી કબજે કરી લીધી છે. પરંતુ મકાન માલિક ભાગી છૂટ્યો હોવાથી તેને ફરારી જાહેર કરાયો છે.
જામનગરમાં સીતારામ સોસાયટી શેરી નંબર-૧ માં રહેતા સાગર પાલાભાઈ કરમુર દ્વારા બહારથી ઇંગ્લિશ દારૂનો મોટો જથ્થો પોતાના ઘરમાં ઉતારવામાં આવ્યો છે, અને તેનું ખાનગીમાં વેચાણ કરી રહ્યો છે, તેવી બાતમી ના આધારે મોડી રાત્રે એલસીબીની ટુકડી એ દરોડો પાડયો હતો. જે દરોડા દરમિયાન મકાનમાંથી જુદી જુદી બ્રાન્ડની ૩૦૦ નંગ ઇંગ્લિશ દારૂની બાટલી નો જથ્થો મળી આવ્યો હતો.
આથી પોલીસે રૂપિયા ૧૯૭,૪૦૦ ની કિંમતનો ઇંગલિશ દારૂ કબજે કર્યો છે. જે દરોડા સમયે મકાન માલિક સાગર કરમુર ભાગી છુટ્યો હોવાથી તેને ફરારી જાહેર કરી શોધખોળ હાથ ધરી છે.
