Washington,તા.26
ભારત અને અમેરિકા વચ્ચે ટેરિફ મુદે મુખ્ય વિવાદનું કેન્દ્ર બની ગયેલા રશિયન ક્રુડતેલની ભારત દ્વારા કરાતી ખરીદીમાં હવે વિકલ્પ પર ચર્ચા છે. અમેરિકા સતત આક્ષેપ કરે છે કે રશિયા પાસેથી ભારત ક્રુડતેલ ખરીદીને જે નાણા ચુકવે છે.
તેનાથી રશિયા યુક્રેન સામેના યુદ્ધમાં શો વિ. ઉત્પાદનમાં મદદ મેળવે છે અને તેથી ભારતે આ ક્રુડતેલ ખરીદી બંધ કરવી જોઈએ. જો કે ભારત રશિયા પાસેથી જે ક્રુડતેલ ખરીદે છે તેમાં મોટું ડિસ્કાઉન્ટ મેળવે છે જેનાથી ભારતને મોટો લાભ થાય છે.
પરંતુ હાલ અમેરિકામાં વ્યાપાર મંત્રી શ્રી પિયુષ ગોયલના નેતૃત્વ હેઠળ જે ભારતીય પ્રતિનિધિમંડળ અમેરિકામાં વાટાઘાટ માટે પહોંચ્યુ છે તેના મારફત ભારત જો રશિયા પાસેથી ક્રુડતેલ ખરીદવાનું બંધ કરે તો તેને ઈરાન-વેનેઝુએલા પાસેથી ક્રુડતેલ ખરીદવા માટે મંજુરી મળવી જોઈએ.
રશિયા બાદ આ બન્ને દેશો પાસેથી ક્રુડતેલ ખરીદવા મુદે પણ અમેરિકા-પશ્ચીમી દેશોના પ્રતિબંધાત્મક નિયંત્રણો છે. બીજી તરફ ભારતે અમેરિકા પાસેથી ક્રુડતેલ ગેસ ખરીદી વધારવા તૈયારી દર્શાવી છે.
રશિયા-ઈરાન-વેનેઝુએલા એ ક્રુડતેલના મોટા ઉત્પાદક દેશ છે અને ભારત જો રશિયા પાસેથી ક્રુડતેલ ખરીદી બંધ કરે અથવા ઘટાડે તો આંતરરાષ્ટ્રીય બજારોમાં ક્રુડતેલ ભાવમાં મોટો વધારો થઈ શકે છે.
