Abu Dhabi, તા.19
રવિવારે એશિયા કપ ટી20 ના સુપર ફોર મેચમાં ભારત અને પાકિસ્તાન ફરી એકવાર ટકરાશે. તે મુકાબલા પહેલા, ભારત પાસે શુક્રવારે ઓમાન સામેની તેમની અંતિમ ગ્રુપ મેચમાં તેમની બેન્ચ સ્ટ્રેન્થ ચકાસવાની તક હશે.
ચાર ભારતીય ખેલાડીઓએ એક પણ મેચ રમી નથી. ટોચના આઠ બેટ્સમેનમાંથી ત્રણને એક પણ બોલ રમવાની તક મળી નથી. ટીમ અત્યાર સુધી ફક્ત બે વિશુદ્ધ બોલરો સાથે રમી છે.
ટીમ મેનેજમેન્ટ સુપર ફોર મેચ પહેલા અન્ય બોલરોની કસોટી કરવા માંગશે. સૂર્યકુમાર અને ટીમ સંપૂર્ણ 20 ઓવર રમવાનું લક્ષ્ય રાખશે. ટીમને પ્રથમ બે મેચમાં નાના લક્ષ્યો આપવામાં આવ્યા હતા, જે તેમણે સરળતાથી હાંસલ કર્યા.
અબુ ધાબીમાં પહેલી મેચ
ભારતીય ટીમ ટુર્નામેન્ટનો પોતાનો પહેલો મેચ શેખ ઝાયેદ સ્ટેડિયમમાં રમશે. ટીમ અહીંની વિકેટથી અજાણ છે. હકીકતમાં, ટીમ ત્યાં પ્રેકિ્ટસ માટે પણ નથી આવી રહી. ત્યાં પહોંચવામાં બે કલાક લાગે છે.
અભિષેકે અપેક્ષા મુજબ મજબૂત શરૂઆત કરી છે. જોકે, તે આ શરૂઆતને મોટી ઇનિંગ્સમાં રૂપાંતરિત કરી શક્યો નથી. જોકે, એક વર્ષ પછી રમતના ટૂંકા ફોર્મેટમાં રમી રહેલા ગિલને ક્રીઝ પર પ્રેકિ્ટસની જરૂર છે.
સેમસન રમશે
સૂર્યાએ પાક સામે સારું પ્રદર્શન કર્યું. તે તિલકને બેટિંગ માટે વધુ સમય આપવા માંગે છે. તે હાર્દિક, સેમસન, દુબે અને અક્ષરને પણ પોતાના હાથ ખોલવાની તક આપવા માંગે છે. ભારતીય બોલિંગ એટલી મજબૂત છે કે જો ઓમાન પહેલા બેટિંગ કરે તો મેચ ઝડપથી સમાપ્ત થવાની પ્રબળ શક્યતા છે.
પ્રથમ એન્કાઉન્ટર
જતિન્દર સિંહ ની આગેવાની હેઠળની ટીમ કુલદીપ યાદવ અને ચક્રવર્તી જેવા બોલરોનો સામનો કરી શકશે તેવી શક્યતા ખૂબ જ ઓછી છે. ટીમ પોતાની પહેલી જીતની શોધમાં છે, જે શક્ય લાગતું નથી. તેમને ખાતું ખોલાવ્યા વિના પણ પાછા ફરવું પડી શકે છે. આ પહેલી વાર હશે જ્યારે ભારત ઓમાન સામે રમશે, જેના કારણે આ મેચ ઓમાન માટે મોટી મેચ બનશે.
બુમરાહને આરામ મળી શકે છે
કોચ ગંભીર ટીમ સાથે વધુ પ્રયોગ કરવા નથી ઈચ્છતા. જો તે ઈચ્છે તો બુમરાહને આરામ આપી શકે છે. પાકિસ્તાન સામેની મેચમાં ચાર ઓવર ફેંક્યા પછી અને યોગ્ય આરામ મેળવ્યા પછી, બુમરાહ પોતે કદાચ આરામ નહીં ઇચ્છે.
ટીમ પાસે તેના શ્રેષ્ઠ T20 બોલર, અર્શદીપને પણ ચકાસવાની તક હશે. આ ઝડપી બોલર 100 વિકેટ સુધી પહોંચવાથી એક વિકેટ દૂર છે. ટીમ મેનેજમેન્ટ ચક્રવર્તી અથવા કુલદીપમાંથી કોઈ એકને આરામ આપી શકે છે. તેઓ હર્ષિત રાણાને પણ ધ્યાનમાં લઈ શકે છે.
પાકિસ્તાનને ICC આક્રરો ઝટકો આપશે : મનાય છતાં બેઠકનું રેકોર્ડિંગ કર્યું હતું
દુબઈ,
15 જૂન (આઈએએનએસ) આઈસીસી અને પાકિસ્તાન ક્રિકેટ બોર્ડ (પીસીબી) વચ્ચેનો વિવાદ બુધવારે સંયુક્ત આરબ અમીરાત સામેની મેચ પહેલા યોજાયેલી બેઠકથી ઉદ્ભવ્યો છે. આઈસીસીના ઇનકાર છતાં, પાકિસ્તાને મેચ રેફરી એન્ડી પાયક્રોફ્ટ સાથેની બેઠકને બળજબરીથી રેકોર્ડ કરી.
અહેવાલો અનુસાર, રેફરી પાયક્રોફ્ટ, કોચ માઇક હેસન અને કેપ્ટન સલમાનની હાજરીમાં યોજાયેલી બેઠકમાં, PCB એ તેના મીડિયા મેનેજર નઈમ ગિલાનીને મોકલવાની જીદ કરી.
જ્યારે ICC એ ના પાડી, ત્યારે પાકિસ્તાને મેચ ન રમાવાની ધમકી આપી. બાદમાં, તેઓએ વિડિઓ રેકોર્ડિંગ (ઓડિયો વિના) પર અડગ રહ્યા. જ્યારે એન્ટી કરપ્શન યુનિટ એ મોબાઇલ ફોન પર પ્રતિબંધ મૂક્યો, ત્યારે પરિિસ્થતિ વધુ વણસી. આખરે, ટુર્નામેન્ટ ને બચાવવા ICC એ પાકિસ્તાનની શરતો સ્વીકારવી પડી, જે ICC એ PMOA પ્રોટોકોલની પવિત્રતા અને ગુપ્તતાની વિરુદ્ધ હોવાનું કહ્યું.
વિવાદ અહીં થમયો નહીં. પીસીબીએ પાછળથી દાવો કર્યો હતો કે પાઈનક્રોફ્ટે માફી માંગી હતી, પરંતુ વાસ્તવમાં, તેણે ફક્ત ગેરસમજ પર પસ્તાવો કર્યો હતો. આ સમગ્ર ઘટનાને ધ્યાનમાં રાખીને, આઈસીસી હવે પાકિસ્તાન સામે કડક કાર્યવાહી કરવાની તૈયારી કરી રહ્યું છે.
ટીમ ચાર વર્ષ પછી અબુ ધાબીમાં રમશે
ભારતીય ટીમ ચાર વર્ષ પછી અબુ ધાબીના શેખ ઝાયેદ સ્ટેડિયમમાં રમશે. ત્યાં તેમનો એકમાત્ર મુકાબલો નવેમ્બર 2021માં વર્લ્ડ કપમાં અફઘાનિસ્તાન સામે હતો. રોહિત અને રાહુલની ઇનિંગ્સને કારણે ટીમ 66 રનથી જીતી ગઈ.
