New Delhi,તા.૨૮
બાંગ્લાદેશ સરકારે આઇપીએલ ૨૦૨૬ના લાઈવ પ્રસારણ અંગે એક મોટો નિર્ણય લીધો છે. બાંગ્લાદેશ સરકારે બાંગ્લાદેશમાં આઇપીએલૈંના પ્રસારણ પરનો પ્રતિબંધ હટાવી લીધો છે. બાંગ્લાદેશના નવા માહિતી અને પ્રસારણ મંત્રી ઝહીરુદ્દીન સ્વપને જણાવ્યું હતું કે દેશમાં આગામી આઇપીએલ સીઝનના પ્રસારણ પર કોઈ પ્રતિબંધ નથી. કોલકાતા નાઈટ રાઈડર્સ ટીમે આઇપીએલ ૨૦૨૬ શરૂ થાય તે પહેલાં બાંગ્લાદેશી ફાસ્ટ બોલર મુસ્તફિઝુર રહેમાનને મુક્ત કર્યો હતો. તેમની મુક્તિ બાદ, બાંગ્લાદેશ સરકારે દેશમાં આઇપીએલનું લાઈવ પ્રસારણ પ્રતિબંધિત કરી દીધું હતું.
ક્રિકબઝ અનુસાર, યુવા અને રમતગમત રાજ્ય મંત્રી અમીનુલ હકે અગાઉ કહ્યું હતું કે અગાઉની વચગાળાની સરકારે આઇપીએલ પર પ્રતિબંધ મૂક્યા બાદ તેઓ આઇપીએલના પ્રસારણ અંગે સંબંધિત અધિકારીઓ સાથે વાત કરશે. ડોઇશ વેલે સ્વપનને ટાંકીને કહ્યું હતું કે,આઇપીએલના પ્રસારણ અંગે કોઈએ અમારો સંપર્ક કર્યો નથી. અમે રમતમાં રાજકારણ લાવવા માંગતા નથી. અમે તેને વ્યાપારી દ્રષ્ટિકોણથી જોઈશું, અને જો કોઈ ચેનલ આઇપીએલનું પ્રસારણ કરવા માટે અરજી કરે છે, તો અમે તેને સકારાત્મક રીતે ધ્યાનમાં લઈશું.”
બાંગ્લાદેશના માહિતી અને પ્રસારણ મંત્રીએ સંકેત આપ્યો છે કે સ્ટાર સ્પોર્ટ્સ તેમના દેશમાં આઇપીએલનું પ્રસારણ કરી શકે છે. તેમણે કહ્યું, “અમે કોઈને પણ તેનું પ્રસારણ કરતા રોકીશું નહીં. જો સ્ટાર સ્પોર્ટ્સ તેનું પ્રસારણ કરવા માંગે છે, તો તેઓ કરી શકે છે. જો અમારી કોઈપણ ચેનલ તેનું પ્રસારણ કરવા માંગે છે, તો અમે તેને સકારાત્મક રીતે લઈશું, પરંતુ અમે કોઈને દબાણ કરીશું નહીં.”
બાંગ્લાદેશ કેબલ ઓપરેટર્સ એસોસિએશનના કાર્યાલય સચિવ રેઝાઉલ કરીમ લાબ્લૂએ કહ્યું કે તેઓ સ્ટાર સ્પોર્ટ્સને આઇપીએલનું પ્રસારણ કરતા અટકાવશે નહીં, કારણ કે આ સંદર્ભમાં કોઈ સરકારી નિર્દેશો નથી. લાબ્લૂએ જણાવ્યું હતું કે જો સ્ટાર સ્પોર્ટ્સ બાંગ્લાદેશમાં આઇપીએલનું પ્રસારણ કરે છે, તો તેઓ તે કરી શકે છે. તેમણે વધુમાં જણાવ્યું હતું કે વચગાળાની સરકારના નિર્દેશોનું હવે કોઈ મહત્વ નથી.
