લોસ એન્જલસ નાઈટ રાઈડર્સે મેજર લીગ ક્રિકેટ ૨૦૨૫ પહેલા પોતાના નવા કેપ્ટનની જાહેરાત કરી દીધી છે
New Delhi તા.૧૨
મેજર લીગ ક્રિકેટ ૨૦૨૫ ૧૩ જૂનથી શરૂ થવા જઈ રહી છે. આ વખતે ઘણી ટીમો નવા કેપ્ટન સાથે ટુર્નામેન્ટમાં પ્રવેશ કરવા જઈ રહી છે.
નવી સીઝન પહેલા મુંબઈ ઈન્ડિયન્સ ફ્રેન્ચાઇઝીની ટીમ સ્ૈં ન્યૂયોર્કે નિકોલસ પૂરનને ટીમનો કેપ્ટન બનાવ્યો છે. તો હવે કોલકાતા નાઈટ રાઇડર્સ ફ્રેન્ચાઇઝીની ટીમ લોસ એન્જલસ નાઈટ રાઇડર્સે પણ પોતાનો કેપ્ટન બદલ્યો છે. નવી સીઝનમાં ઓલરાઉન્ડર જેસન હોલ્ડર લોસ એન્જલસ નાઈટ રાઇડર્સનો કેપ્ટન જોવા મળશે.
મેજર લીગ ક્રિકેટ ૨૦૨૫ માટે લોસ એન્જલસ નાઈટ રાઇડર્સે વેસ્ટ ઈન્ડિઝના સ્ટાર ઓલરાઉન્ડરને ટીમનો નવો કેપ્ટન બનાવ્યો છે. જોકે, જેસન હોલ્ડર સીઝનની પ્રથમ ૨ મેચમાં ટીમનો ભાગ રહેશે નહીં, જેના કારણે સુનીલ નારાયણ પ્રથમ ૨ મેચમાં ટીમનો કેપ્ટન જોવા મળશે. જેસન હોલ્ડર હાલમાં રાષ્ટ્રીય ટીમ સાથે ક્રિકેટ રમી રહ્યો છે, જેના કારણે તે પ્રથમ ૨ મેચમાંથી બહાર રહેશે.
જેસન હોલ્ડરને કેપ્ટન બનાવવા અંગે, ટીમે સોશિયલ મીડિયા પર એક પોસ્ટ શેર કરી અને લખ્યું, “અમે ૨૦૨૫ મેજર લીગ ક્રિકેટ માટે લોસ એન્જલસ નાઈટ રાઈડર્સના નવા કેપ્ટન તરીકે જેસન હોલ્ડરની જાહેરાત કરતા ઉત્સાહિત છીએ. અગાઉ, જેસન આંતરરાષ્ટ્રીય ક્રિકેટના ત્રણેય ફોર્મેટમાં વેસ્ટ ઈન્ડિઝનું નેતૃત્વ કરી ચૂક્યા છે અને અમને વિશ્વાસ છે કે તે લોસ એન્જલસ નાઈટ રાઈડર્સમાં પણ અમારા માટે શાનદાર પ્રદર્શન કરશે. વેસ્ટ ઈન્ડિઝ વિરુદ્ધ આયર્લેન્ડ ્૨૦ શ્રેણીને કારણે તે ટુર્નામેન્ટની પ્રથમ બે મેચમાં રમી શકશે નહીં, તેની ગેરહાજરીમાં સુનીલ નારાયણ ટીમનો હવાલો સંભાળશે.”
મેજર લીગ ક્રિકેટ ૨૦૨૫ ૧૩ જૂનથી શરૂ થવા જઈ રહી છે. પ્રથમ મેચ સાન ફ્રાન્સિસ્કો યુનિકોર્ન અને વોશિંગ્ટન ફ્રીડમ વચ્ચે રમાશે. લોસ એન્જલસ નાઈટ રાઈડર્સ ૧૫ જૂનથી પોતાનું અભિયાન શરૂ કરશે. ૧૫ જૂને, લોસ એન્જલસ નાઈટ રાઈડર્સનો પહેલો મુકાબલો સાન ફ્રાન્સિસ્કો યુનિકોર્ન્સ સામે થશે, જેમાં ટીમનું નેતૃત્વ સુનીલ નારાયણ કરશે.
