Junagadh તા. ૩૧
જુનાગઢ આઈ.ટી.આઈ.માં બીજા રાઉન્ડમ પ્રવેશ મેળવવા ઇચ્છુક ઉમેદવારોએ તા. ૪ ઓગસ્ટ સુધીમા ઓનલાઇન અરજી કરી શકશે.
નિયામક, રોજગાર અને તાલીમ ગાંધીનગરના નિયંત્રણ હેઠળની રાજ્યની સરકારી આઈ.ટી.આઈ. જૂનાગઢ ખાતે પ્રવેશ સત્ર-૨૦૨૫ માં હાલમાં બીજા રાઉન્ડમાં પ્રવેશ મેળવવા માંગતા ઉમેદવારોએ જુનાગઢ આઈ.ટી.આઈ. કે નજીકની કોઈપણ આઈ.ટી.આઈ. ખાતેથી કે ઇન્ટરનેટના માધ્યમથી ઓનલાઈન https://itiadmission.gujarat.gov.in ઉપરથી પ્રવેશ ફોર્મ ભરવાનું રહેશે.
પ્રવેશ ફોર્મ રજીસ્ટ્રેશન ફી રૂ.૫૦/- પણ ઓનલાઈન ભરવાની રહેશે. ઓનલાઇન પ્રવેશ ફોર્મ ભરવાની, ઓનલાઈન રજીસ્ટ્રેશન ફી ભરવાની, ચોઈસ ફીલિંગ કરવાની તેમજ પ્રવેશફોર્મમાં હેલ્પ સેન્ટર ખાતેથી સુધારા વધારા કરવાની છેલ્લી તા. ૦૪-૦૮-૨૦૨૫ સુધીની રહેશે. આ પ્રવેશ બાબતે જરુર જણાયે આઈ.ટી.આઈ.જૂનાગઢ કે નજીકની આઈ.ટી.આઈ.નો સંપર્ક કરવા એક યાદીમાં જણાવાયું છે.
