સલમાન ખાનની અભિનેત્રીએ ટકોર કરી કે કોઈ કારણ વગર લોકોને કામ આપવાથી નિષ્ફળ ફિલ્મો જ વધશે
Mumbai, તા.૫
ઇબ્રાહિમ અલી ખાનની પહેલી ફિલ્મ નાદાનિયાં આ વર્ષની શરૂઆતમાં રિલીઝ થઈ હતી, પરંતુ ફિલ્મને ઘણી ટીકાઓનો સામનો કરવો પડ્યો હતો. લોકોએ ખાસ કરીને ઇબ્રાહિમ અને ખુશી કપૂરના અભિનય પર સવાલ ઉઠાવ્યા હતા. હવે અભિનેત્રી ઝરીન ખાને ફિલ્મ નિર્માતા કરણ જોહર અને અન્ય નિર્માતાઓને પ્રશ્ન કર્યો છે કે તેઓ આવા સ્ટાર કિડ્સને વારંવાર તકો કેમ આપે છે જે અત્યાર સુધી પોતાને સાબિત કરી શક્યા નથી.તેણીએ કહ્યું કે જ્યારે તેમને સતત ફિલ્મો મળતી રહેશે, ત્યારે તેમને સખત મહેનત કરવા અને પોતાને સુધારવાની કોઈ પ્રેરણા નહીં મળે.ફિલ્મને ‘બિનજરૂરી અને હળવી’ ગણાવતા, ઝરીને કહ્યું, “જ્યારે આપણે ઇબ્રાહિમની નદાનિયાં વિશે વાત કરીએ છીએ. મને તે ખૂબ જ હળવી ફિલ્મ લાગી. તમે તેમાં કેવી રીતે અભિનય કરી શકો છો? કદાચ તેને એક સારા દિગ્દર્શકની જરૂર છે જે તેને યોગ્ય રીતે માર્ગદર્શન આપી શકે. આવું ઘણા કલાકારો સાથે થાય છે, જેમ કે દીપિકા પાદુકોણ, જ્યારે તે ઇન્ડસ્ટ્રીમાં આવી ત્યારે તે ખૂબ જ અનપોલિશ્ડ હતી, પરંતુ સંજય લીલા ભણસાલીએ તેને પોલિશ કરી હતી. ઝરીને વધુમાં કહ્યું કે ફિલ્મ ઇન્ડસ્ટ્રીના નવા દિગ્દર્શકો, જેઓ હજુ સુધી જાણીતા નથી, તેઓ સ્ટાર કિડ્સ અથવા મોટા પ્રોડક્શન હાઉસના મનપસંદને માર્ગદર્શન આપવામાં અચકાય છે. તેમને ડર છે કે જો તેઓ કડકાઈ બતાવશે, તો તેમની ફિલ્મ છીનવાઈ જશે.ઝરીને એમ પણ કહ્યું કે જો દર્શકો તેમના કામથી નિરાશ થાય છે, તો પણ સ્ટાર કિડ્સ ફિલ્મો મેળવતા રહે છે. આ જ કારણ છે કે તેઓ પોતાની કુશળતા પર કામ કરવાનું જરૂરી માનતા નથી.
